Patnubay kaugnay sa COVID-19 sa B.C.

Hindi nire-require ng public health ang pagsusuot ng mask sa mga pampublikong indoor na lugar. Personal na desisyon ang pagsusuot ng mask. 

Mayroong karagdagang impormasyon tungkol sa pagsusuot ng mga mask sa website ng BC Centre for Disease Control.

Mga ospital at health care settings 

Hinihikayat ang mga indibidwal na magpatuloy na magsuot ng mga mask sa mga health care settings at magsagawa ng mga wastong gawi para maging malusog, kabilang ang: 

• Madalas na paghuhugas ng kamay gamit ang sabon at maligamgam na tubig o gumamit ng alcohol-based hand rub 
• Bumahing o umubo sa iyong siko, sa halip ng sa iyong mga kamay 
• Lumayo sa ibang tao kapag masama ang pakiramdam o sa mga indibidwal na may mataas na panganib na magkaroon ng malubhang pagkakasakit  

Dapat ipagpatuloy ng mga health care worker na magsuot ng angkop na personal protective equipment, kabilang ang mga mask o respirator, kapag nire-require ang karagdagang pag-iingat at alinsunod sa kanilang mga point-of-care risk assessment (ebalwasyon ng panganib bago magsagawa ng interaksiyon sa pasyente). 

Pagbiyahe 

Hinihikayat ang pagsusuot ng mga mask, ngunit hindi ito required, kapag bumabiyahe sa himpapawid, sa pamamagitan ng tren, pampublikong transportasyon o BC Ferries. 

Mga Negosyo 

Maaaring patuloy na piliin ng mga indibidwal na negosyo at mga event organizer na mag-require ng pagsusuot ng mask sa kanilang mga lugar. Mahalagang irespeto natin ang mga desisyon ng ibang indibidwal at mga negosyo.