Home/Health/Managing your health/Immunizations/COVID-19 immunizations/Pagbabakuna laban sa COVID-19 (COVID-19 immunizations - TL)

Pagbabakuna laban sa COVID-19

Publication date: March 28, 2025

Ang pagbabakuna ang isa sa mga pinakaepektibong paraan para maprotektahan ang iyong sarili mula sa pagkakaroon ng malubhang sakit na dulot ng COVID-19.

English | 繁體中文 | 简体中文 | Français | ਪੰਜਾਬੀ | فارسی  | Tagalog | 한국어 | Español | عربى  | Tiếng Việt | 日本語 | हिंदी | Українська | Русский

Para sa pinakabagong impormasyon, mangyaring bisitahin ang page sa wikang Ingles.

Sa pahina na ito

Kwalipikasyon para makapagpabakuna laban sa COVID-19 ngayong spring

Bukas ang COVID-19 spring program ng B.C. mula Abril 8 hanggang Hunyo 30. Ang programang ito ay nakatuon sa pagbibigay ng bakuna sa mga may pinakamataas na panganib na magkaroon ng sakit o kumplikasyon mula sa COVID-19. Ang patnubay para sa pagbabakuna ngayong spring ay alinsunod sa mga rekomendasyon ng National Advisory Committee on Immunization (NACI).

Inirerekomendang kumuha ng bakuna ngayong spring ang mga sumusunod na pangkat: 

  • Mga nasa hustong gulang na 65 taong gulang pataas
  • Indigenous adults na 55 taong gulang pataas
  • Mga nasa hustong gulang na resute ng mga long-term care home at mga pasilidad para sa assisted living (kabilang ang mga indibidwal na naghihintay ng placement)
  • Mga indibidwal na 6 buwang gulang pataas at mga na-diagnose na clinically extremely vulnerable (kondisyong CEV 1 o CEV 2)

Kung ikaw ay kwalipikado at nakarehistro na sa Get Vaccinated system, makakatanggap ka ng notipikasyon mula Abril 8 hanggang Abril 16, 2025 depende sa iyong kwalipikasyon. Mas mainam na maagang mag-book ng appointment.

Makakapagpabakuna sa humigit-kumulang 400 botika, pati na rin sa mga health authority clinic, ilang tanggapan para sa primary care, mga community health centre, mga long-term care home at mga komunidad ng First Nations. Ang mga public health unit ay magkakaroon ng mga bakuna para sa batang wala pang 12 taong gulang.

Gagamitin ng spring program na ito ang mga bakunang mRNA na tina-target ang KP.2 COVID-19 subvariant. Ito ang parehong bakuna laban sa COVID-19 na ginamit nitong nakaraang respiratory illness season.

Manatiling updated sa iyong mga bakuna laban sa COVID-19

Kung hindi ka bahagi ng mga grupong may panganib na magkaroon ng malubhang sakit at mayroong mga tanong tungkol sa iyong kwalipikasyon para sa bakuna ngayong spring, konsultahin ang iyong health care provider o tumawag sa iyong lokal na botika o sa call centre.

Kung hindi ka pa nakakatanggap ng bakuna laban sa COVID-19 sa B.C.

Magrehistro sa Get Vaccinated system upang matanggap ang iyong imbitasyon para makapag-book ng appointment. Sundin ang mga instruksiyon sa ibaba.

Step 1.  Magrehistro sa Get Vaccinated system

Magrehistro sa Get Vaccinated system upang matanggap ang notipikasyon para makapag-book ng appointment at panatilihing updated ang iyong pagbabakuna laban sa trangkaso at COVID-19.

Maaari kang magparehistro para sa iyong sarili o para sa ibang tao, tulad ng iyong magulang, lolo't lola o anak. Hindi namin kailanman hihingiin ang iyong Social Insurance Number, driver’s licence number o mga detalye sa pagbabangko at credit card.

Pinakamabilis na opsiyon: online

Upang magrehistro online, dapat mong ibigay ang:

  • Pangalan at apelyido
  • Petsa ng kapanganakan
  • Postal code
  • Personal Health Number (PHN)
  • Isang email address na regular na tinitingnan o numero ng telepono na maaaring makatanggap ng mga text na mensahe

Hanapin ang iyong PHN sa likod ng iyong lisensya sa pagmamaneho sa B.C., BC Services Card (Card para sa Serbisyo sa BC) o CareCard.

Magrehistro online Tatagal lamang ito ng 2 minuto.

Iba pang mga opsiyon sa pagpaparehistro at pag-book ng appointment

 

Sa pamamagitan ng pagtawag 

Tumawag sa: 1-833-838-2323 | Lunes hanggang Biyernes, 7 am hanggang 7 pm. Mga statutory holiday, 9 am hanggang 5 pm | Mayroong mga tagasalin

Mula sa labas ng Canada at USA: 1-604-681-4261 

 

Sa isang tanggapan ng Service BC

Maaari kang magparehistro nang personal sa lahat ng tanggapan ng Service BC.

Iba-iba ang mga oras ng opisina ayon sa lokasyon. Alamin muna ito bago pumunta.

Maaaring mabakunahan ang lahat, kahit na wala kang isang PHN o iba pang dokumentasyon. Hindi mahalaga kung ikaw ay isang mamamayan ng Canada.

Magrehistro kahit nakatanggap ka ng bakuna sa labas ng B.C.

Ang lahat ng iyong impormasyon ay pananatilihing pribado at hindi ibabahagi sa ibang mga ahensiya o bahagi ng pamahalaan.

Step 2. Mag-book ng iyong appointment

Pagkatapos mong magrehistro sa Get Vaccinated system, magpapadala kami sa iyo ng isang notipikasyon. Gamitin ang link sa notipikasyon para mag-book ng iyong appointment para sa bakuna online o sa pamamagitan ng pagtawag.

Step 3. Ano ang aasahan sa iyong appointment

Basahin ang impormasyon tungkol sa kaligtasan ng bakuna laban sa COVID-19 mula sa HealthLink BC bago ang iyong appointment.  Magplano na magtagal nang 15 hanggang 30 minuto sa iyong appointment.

Expand All | Collapse All
 

Dumating nang handa

Maghanda para sa iyong appointment:

  • Hindi mo kailangang mag-fasting.  Siguraduhing uminom ng tubig
  • Dalhin ang iyong kumpirmasyon ng booking at may larawang ID
  • Magsuot ng isang damit na may maikling manggas
  • Dumating ng ilang minutong mas maaga bago ang iyong naka-iskedyul na oras ng appointment
 

Habang nasa appointment

Sa botika o klinika:

  • Mag-che-check-in ka gamit ang iyong mayroong larawang ID at kumpirmasyon ng booking.  Kung hindi ka komportableng mabakunahan sa harap ng ibang tao, maaari kang humiling na mabakunahan sa isang pribadong lokasyon
  • Makukuha ang iyong bakuna
  • Maghihintay ka sa observation area nang humigit-kumulang 15 minuto pagkatapos mong mabakunahan

Step 4.  Pagkatapos ng iyong appointment

Basahin ang mga instruksiyon para sa pangangalaga pagkatapos mabakunahan mula sa HealthLink BC.

Alamin ang mga opsiyon para sa pagbabakuna

Expand All | Collapse All
 

Mga bakunang makukuha sa B.C.

Nagsasagawa ang Health Canada ng isang masinsinang proseso ng pag-apruba para matiyak na ligtas ang tinatanggap nating mga bakuna at gamot. Ang mga updated na bakunang mRNA na mayroong mas mahusay na proteksiyon laban sa mga pinakabagong variant ng COVID-19 ay maaaring matanggap ng mga indibidwal na 6 na buwang gulang pataas.

Basahin ang impormasyon tungkol sa mga pinakabagong aprubadong bakuna sa Canada.

Gusto kong kumuha ng bakunang hindi mRNA

Kasalukuyang hindi available ang bakunang hindi mRNA laban sa COVID-19, kabilang ang Novavax.

Kung hindi ka maaaring tumanggap ng bakunang mRNA kontra COVID-19, makipag-ugnayan sa iyong health care provider tungkol sa ibang opsiyon sa paggamot kung magkaroon ka ng COVID-19.

 

Mga bakuna para sa mga maliliit na bata at kabataan

Ang mga bakuna sa COVID-19 ay mahalagang bahagi ng regular na iskedyul ng pagbabakuna ng iyong mga anak. 

Maaaring mapabakunahan laban sa COVID-19 ang iyong anak kasabay ang ibang mga bakuna para sa mga bata, kabilang ang bakuna laban sa trangkaso (influenza). Kung marami kang anak, kailangan ng bawat isa ng appointment.  

Planuhin na magtatagal nang 15 hanggang 30 minuto sa iyong appointment kasama ang iyong anak.

Ibigay ang pahintulot (consent) sa appointment ng pagbabakuna

Kailangan ng pahintulot para sa mga bata upang makakuha ng bakuna sa COVID-19. Hihingiin sa iyo na magbigay ng pahintulot sa panahon ng appointment. 

Ang pahintulot para sa isang bata ay maaaring ibigay ng isang:

  • Magulang, legal na tagapangalaga o foster parent
  • Custodial caregiver tulad ng isang lolo at lola, o kamag-anak

Isang magulang, legal na tagapangalaga o foster parent lamang ang kinakailangan upang magbigay ng pahintulot.

 

Nagkaroon na ako ng COVID-19

Kahit na nagkaroon ka na ng COVID-19 at gumaling dito, kailangan mo pa ring magpabakuna.

Kung kamaikailan ka lamang nagkasakit, makakapagpabakuna ka kapag nawala na ang iyong mga sintomas.

Kung mayroon kang appointment pero may mga sintomas pa rin, magpa-reschedule hanggang magaling ka na.

 

Iba pang mga konsiderasyon

Karamihan sa mga kwalipikadong indibidwal ay ligtas na mababakunahan laban sa COVID-19, subalit ang iilang indibidwal na mayroong matinding allergy sa ilang sangkap ng bakuna ay kailangang makipag-ugnayan sa kanilang health care provider para sa kanilang mga opsiyon.

Bisitahin ang page ng BC Centre for Disease Control tungkol sa mga konsiderasyon sa bakuna para sa karagdagang impormasyon.

Basahin sa website ng HealthLink BC ang impormasyon kung paano protektahan ang iyong sarili, iyong pamilya at iyong komunidad laban sa COVID-19.

Talaan ng pagbabakuna o immunization record

Kapag nabakunahan ka na, ang iyong impormasyon ay ilalagay sa electronic Provincial Immunization Registry. Maaari mong ma-access ang iyong rekord ng pagbabakuna online o humingi ng naka-print na kopya sa pamamagitan ng pagtawag o pagpunta sa  tanggapan ng Service BC.

Online:

Magrehistro sa Health Gateway upang makita o i-update ang iyong talaan ng pagbabakuna at i-download ang iyong mga dokumento ng katibayan ng pagbabakuna.

Kailangan mo ng BC services card para magparehistro.

Sa pamamagitan ng pagtawag:

Tumawag sa 1-833-838-2323 upang mag-request ng ipapadalang kopya ng iyong immunization record.

Sa pamamagitan ng pagpunta sa tanggapan ng Service BC:

Maaari kang makakuha ng naka-print na kopya ng iyong immunization record sa lahat ng tanggapan ng Service BC.

Pag-update ng aking record

Kung hindi makita ang iyong immunization records sa Health Gateway, maaari itong idagdag sa electronic Provincial Immunization Registry. 

Kaligtasan ng bakuna

Nagsasagawa ang Health Canada ng isang masinsinang proseso ng pag-apruba na tumitiyak na ligtas ang mga bakuna at mga gamot na natatanggap natin.

  • Masusing sinusuri ang mga bakuna bago ito aprubahan para magamit
  • Patuloy na sinusubaybayan ng Health Canada ang kaligtasan ng mga bakuna
  • Walang pangunahing alalahanin sa kaligtasan ang natukoy sa datos na sinuri ng Health Canada

Basahin ang patnubay ng Health Canada tungkol sa kaligtasan at mga side effect ng bakuna laban sa COVID-19.

Kailangan ko ng tulong

Expand All | Collapse All
 

Wala akong imbitasyon

Kailangan mong magrehistro sa Get Vaccinated system para makakuha ng imbitasyon. Kung hindi mo pa  natatanggap o hindi mo mahanap ang iyong imbitasyon: 

Ipa-resend ang iyong booking link.

 

Wala akong PHN

Ang bawat residente ng B.C. na naka-enroll sa Medical Services Plan ay binibigyan ng isang natatanging lifetime identifier para sa health care na tinatawag na Personal Health Number (PHN). Ang iyong PHN ay maaaring mahanap sa iyong BC Services Card.

Hanapin o gumawa ng PHN. 

Kung tama ang inilagay mong PHN ngunit nakakaranas ng problema sa pag-log in, mangyaring tumawag sa call centre sa 1-833-838-2323 para makakuha ng tulong.

 

Hindi ako residente ng B.C.

Ang mga hindi residente ng B.C. ay maaaring makipag-ugnayan sa Public Health Unit ng kanilang lokal na Health Authority.

 

Karagdagang impormasyon tungkol sa COVID-19 sa B.C.

Mayroong impormasyon tungkol sa testing, paggamot, patnubay at iba pa. 

Tumawag sa call centre kung mayroon kang mga tanong tunkol sa iyong mga opsiyon sa pagbabakuna at kailangan ng tulong sa pag-book ng appointment. Makipag-ugnayan sa iyong health care provider kung mayroon kang mga tanong tungkol sa kung kailan ka dapat magpabakuna.

Tumawag sa: 1-833-838-2323

Lunes hanggang Biyernes, 7 am hanggang 7 pm. Mga statutory holiday, 9 am hanggang 5 pm | Mayroong mga tagasalin

Mula sa labas ng Canada at USA: 1-604-681-4261