ਤੁਹਾਨੂੰ ਟੈਕਸ ਫ਼ਾਈਲ ਕਰਨ ਦੇ ਫ਼ਾਇਦੇ ਹਨ

ਤੁਸੀਂ ਆਪਣਾ ਇੰਕਮ ਟੈਕਸ ਫ਼ਾਈਲ ਕਰਕੇ ਆਪਣੇ ਰਹਿਣ-ਸਹਿਣ ਦੇ ਖਰਚਿਆਂ ਵਿੱਚ ਮਦਦ ਪ੍ਰਾਪਤ ਕਰ ਸਕਦੇ ਹੋ। ਆਪਣਾ ਇੰਕਮ ਟੈਕਸ ਫ਼ਾਈਲ ਕਰਨਾ ਤੁਹਾਨੂੰ ਸਿੱਧੀ ਜਮ੍ਹਾਂ ਰਕਮ ਦੇ ਲਾਭਾਂ ਅਤੇ ਰਿਫ਼ੰਡੇਬਲ ਟੈਕਸ ਕ੍ਰੈਡਿਟਸ ਤੱਕ ਪਹੁੰਚ ਪ੍ਰਦਾਨ ਕਰਦਾ ਹੈ।

English | 繁體中文 | 简体中文 | Français | ਪੰਜਾਬੀ

ਇਸ ਪੰਨੇ ‘ਤੇ: 

• ਤੁਹਾਡੇ ਲਈ ਉਪਲਬਧ ਟੈਕਸ ਬੈਨਿਫ਼ਿਟਸ ਅਤੇ ਕ੍ਰੈਡਿਟਸ  
• ਆਪਣੇ ਟੈਕਸ ਕਿਵੇਂ ਫ਼ਾਈਲ ਕਰਨੇ ਹਨ  
• ਆਪਣੇ ਟੈਕਸ ਕਦੋਂ ਫ਼ਾਈਲ ਕਰਨੇ ਹਨ
• ਆਪਣੇ ਟੈਕਸ ਮੁਫ਼ਤ ਵਿੱਚ ਫ਼ਾਈਲ ਕਰੋ 
• ਡਾਇਰੈਕਟ ਡਿਪੌਜ਼ਿਟ (ਸਿੱਧੀ ਜਮ੍ਹਾਂ ਰਕਮ) ਲਈ ਰਜਿਸਟਰ ਕਰੋ

ਤੁਹਾਡੇ ਲਈ ਉਪਲਬਧ ਟੈਕਸ ਬੈਨਿਫ਼ਿਟਸ ਅਤੇ ਕ੍ਰੈਡਿਟਸ 

• ਬੀ.ਸੀ. ਫੈਮਿਲੀ ਬੈਨੀਫਿਟ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਾਲੇ ਪਰਿਵਾਰਾਂ ਨੂੰ ਟੈਕਸ-ਮੁਕਤ ਮਾਸਿਕ ਭੁਗਤਾਨ ਦਿੰਦਾ ਹੈ।
• ਬੀ.ਸੀ. ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ ਇੱਕ ਤਿਮਾਹੀ ਭੁਗਤਾਨ ਹੈ, ਜੋ ਵਿਅਕਤੀਆਂ ਅਤੇ ਪਰਿਵਾਰਾਂ ਦੁਆਰਾ ਅਦਾ ਕੀਤੇ ਗਏ ਕਾਰਬਨ ਟੈਕਸ ਦੇ ਪ੍ਰਭਾਵ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਦਾ ਹੈ।  
• ਤੁਸੀਂ  ਬੇਸਿਕ ਟੈਕਸ ਕ੍ਰੈਡਿਟਸ  ਨਾਲ ਬੀ.ਸੀ. ਪਰਸਨਲ ਇੰਕਮ ਟੈਕਸ ਦੀ ਰਕਮ ਨੂੰ ਘਟਾ ਸਕਦੇ ਹੋ। ਪਰ, ਜੇਕਰ ਇਹਨਾਂ ਕ੍ਰੈਡਿਟਸ ਦੀ ਕੁੱਲ ਰਕਮ ਤੁਹਾਡੇ ਬਕਾਇਆ ਰਕਮ ਤੋਂ ਵੱਧ ਹੈ, ਤਾਂ ਤੁਹਾਨੂੰ ਇਸ ਫਰਕ ਦੀ ਰਕਮ ਵਾਪਸ ਨਹੀਂ ਮਿਲੇਗੀ। ਇਹਨਾਂ ਨੂੰ ਨੌਨ-ਰਿਫ਼ੰਡੇਬਲ ਕ੍ਰੈਡਿਟਸ ਕਿਹਾ ਜਾਂਦਾ ਹੈ।
•  ਕੈਨੇਡਾ ਚਾਈਲਡ ਬੈਨਿਫ਼ਿਟ ,  ਚਾਈਲਡ ਡਿਸਅਬਿਲਿਟੀ ਬੈਨਿਫ਼ਿਟ ,  GST/HST ਕ੍ਰੈਡਿਟ , ਅਤੇ  ਡਿਸਅਬਿਲਿਟੀ ਟੈਕਸ ਕ੍ਰੈਡਿਟ  ਵਰਗੇ ਫੈਡਰਲ ਬੈਨਿਫ਼ਿਟਸ ਵੀ ਉਪਲਬਧ ਹਨ।
• ਬੀ.ਸੀ. ਰੈਂਟਰਜ਼ ਟੈਕਸ ਕ੍ਰੈਡਿਟ $60,000 ਜਾਂ ਇਸ ਤੋਂ ਘੱਟ ਦੀ ਐਡਜਸਟਡ ਇੰਕਮ ਵਾਲੇ, ਘੱਟ- ਅਤੇ ਮੱਧ-ਆਮਦਨ ਵਾਲੇ ਕਿਰਾਏਦਾਰ ਪਰਿਵਾਰਾਂ ਨੂੰ $400 ਸਾਲਾਨਾ ਦੇਵੇਗਾ। $60,000 ਤੋਂ ਵੱਧ ਅਤੇ $80,000 ਤੋਂ ਘੱਟ ਆਮਦਨ ਵਾਲੇ ਲੋਕਾਂ ਨੂੰ ਘੱਟ ਰਕਮ ਪ੍ਰਾਪਤ ਹੋ ਸਕਦੀ ਹੈ। (ਇਹ ਉਦੋਂ ਉਪਲਬਧ ਹੋਵੇਗੀ ਜਦੋਂ ਤੁਸੀਂ 2024 ਵਿੱਚ ਆਪਣਾ ਇੰਕਮ ਟੈਕਸ ਫ਼ਾਈਲ ਕਰਦੇ ਹੋ)।  

ਆਪਣੇ ਟੈਕਸ ਕਿਵੇਂ ਫ਼ਾਈਲ ਕਰਨੇ ਹਨ  

ਤੁਸੀਂ ਆਪਣੀ ਬੀ.ਸੀ. ਇੰਕਮ ਟੈਕਸ ਰਿਟਰਨ ਆਪਣੀ ਫੈਡਰਲ T1 ਇੰਕਮ ਟੈਕਸ ਰਿਟਰਨ ਨਾਲ ਫ਼ਾਈਲ ਕਰਦੇ ਹੋ ਅਤੇ ਇਸ ਨੂੰ ਕੈਨੇਡਾ ਰੈਵੇਨਿਊ ਏਜੰਸੀ ਨੂੰ ਭੇਜਦੇ ਹੋ।

ਕਦਮ 1: ਆਪਣੀ ਆਮਦਨ ਦੀ ਰਿਪੋਰਟ ਕਰਨ ਅਤੇ ਆਪਣੀਆਂ  ਡਿਡਕਸ਼ਨਜ਼ ਦਾ ਕਲੇਮ  ਲੈਣ ਲਈ ਆਪਣੀਆਂ ਟੈਕਸ ਸਲਿੱਪਾਂ ਜਾਂ ਹੋਰ ਦਸਤਾਵੇਜ਼ ਇਕੱਠੇ ਕਰੋ 

ਕਦਮ 2: ਆਪਣੀ ਰਿਟਰਨ ਨੂੰ ਪੂਰਾ ਕਰਨ ਲਈ  ਇੱਕ ਫ਼ਾਈਲਿੰਗ ਵਿਕਲਪ ਚੁਣੋ  – ਵੱਖ-ਵੱਖ ਮੁਫ਼ਤ ਜਾਂ ਘੱਟ-ਲਾਗਤ ਵਾਲੇ ਵਿਕਲਪਾਂ ਸਮੇਤ, ਤੁਹਾਡੀ ਪਰਸਨਲ ਇੰਕਮ ਟੈਕਸ ਰਿਟਰਨ ਨੂੰ ਪੂਰਾ ਕਰਨ ਦੇ ਕਈ ਤਰੀਕੇ ਹਨ 

ਕਦਮ 3: ਕੈਨੇਡਾ ਰੈਵੇਨਿਊ ਏਜੰਸੀ ਨੂੰ ਆਪਣੀ ਪੂਰੀ ਕੀਤੀ ਰਿਟਰਨ ਭੇਜੋ 

ਟੈਕਸ ਫ਼ਾਈਲ ਕਰਨ ਬਾਰੇ ਕੈਨੇਡਾ ਰੈਵੇਨਿਊ ਏਜੰਸੀ ਤੋਂ ਹੋਰ ਜਾਣ

ਕੈਨੇਡਾ ਜਾਂ ਬੀ.ਸੀ. ਵਿੱਚ ਨਵੇਂ ਆਏ ਲੋਕ 

ਜੇਕਰ ਤੁਸੀਂ ਕੈਨੇਡਾ ਵਿੱਚ ਨਵੇਂ ਹੋ, ਤਾਂ ਤੁਸੀਂ ਟੈਕਸ ਲਾਭ ਅਤੇ ਕ੍ਰੈਡਿਟ ਪ੍ਰਾਪਤ ਕਰਨ ਦੇ ਵੀ ਯੋਗ ਹੋ ਸਕਦੇ ਹੋ। ਇੰਕਮ ਟੈਕਸ ਅਤੇ ਬੈਨਿਫ਼ਿਟਸ ਦੇ ਭੁਗਤਾਨਾਂ ਬਾਰੇ ਅਤੇ ਇਸ ਪ੍ਰਕਿਰਿਆ ਨੂੰ ਸ਼ੁਰੂ ਕਰਨ ਦੇ ਤਰੀਕੇ ਬਾਰੇ ਹੋਰ ਜਾਣੋ।  

ਜੇਕਰ ਤੁਸੀਂ ਕਿਸੇ ਹੋਰ ਕਨੇਡਿਅਨ ਸੂਬੇ ਤੋਂ ਬੀ.ਸੀ. ਆਉਂਦੇ ਹੋ, ਤਾਂ ਜਿਨ੍ਹੀਂ ਜਲਦੀ ਹੋ ਸਕੇ ਕੈਨੇਡਾ ਰੈਵੇਨਿਊ ਏਜੰਸੀ ਨਾਲ  ਆਪਣਾ ਪਤਾ ਅੱਪਡੇਟ ਕਰੋ  ਕਿਉਂਕਿ ਤੁਸੀਂ ਬੀ.ਸੀ. ਬੈਨਿਫ਼ਿਟਸ ਪ੍ਰਾਪਤ ਕਰਨ ਦੇ ਯੋਗ ਹੋ ਸਕਦੇ ਹੋ।

ਆਪਣੇ ਟੈਕਸ ਕਦੋਂ ਫ਼ਾਈਲ ਕਰਨੇ ਹਨ

ਤੁਹਾਡੀ ਪਰਸਨਲ ਇੰਕਮ ਟੈਕਸ ਰਿਟਰਨ ਹਰ ਸਾਲ 30 ਅਪ੍ਰੈਲ ਨੂੰ, ਜਾਂ ਇਸ ਤੋਂ ਪਹਿਲਾਂ ਫ਼ਾਈਲ ਕੀਤੀ ਜਾਣੀ ਚਾਹੀਦੀ ਹੈ। ਜੇਕਰ ਤੁਹਾਡੀ ਕੋਈ ਬਕਾਇਆ ਰਕਮ ਹੈ, ਤਾਂ ਤੁਹਾਡੇ ਟੈਕਸਾਂ ਦਾ ਭੁਗਤਾਨ ਕਰਨ ਦੀ ਆਖਰੀ ਮਿਤੀ ਵੀ 30 ਅਪ੍ਰੈਲ ਹੈ।