ਸੋਕੇ ਲਈ ਤਿਆਰੀ ਅਤੇ ਜਵਾਬੀ ਪ੍ਰਤਿਕਿਰਿਆ

• ਘੱਟ ਸਮੇਂ ਲਈ ਸ਼ਾਵਰ ਲਓ (5 ਮਿੰਟ ਜਾਂ ਇਸ ਤੋਂ ਘੱਟ) - ਇਕ ਮਿੰਟ ਘੱਟ ਕਰਨ ਨਾਲ ਇੱਕ ਸਾਲ ਵਿੱਚ 2,700 ਲੀਟਰ ਤੱਕ ਦੀ ਬਚਤ ਹੁੰਦੀ ਹੈ
• ਦੰਦਾਂ ਨੂੰ ਬਰੱਸ਼ ਕਰਦੇ ਸਮੇਂ ਜਾਂ ਸ਼ੇਵਿੰਗ ਕਰਦੇ ਸਮੇਂ ਨਲ ਨੂੰ ਬੰਦ ਕਰੋ - ਇੱਕ ਸਾਲ ਵਿੱਚ 8,300 ਲੀਟਰ ਤੱਕ ਦੀ ਬਚਤ ਕਰੋ
• ਚੋਂਦੇ ਪਾਣੀ ਵਾਲੇ ਟੁਆਲਿਟ ਠੀਕ ਕਰੋ - ਪ੍ਰਤੀ ਸਾਲ 350,000 ਲੀਟਰ ਤੱਕ ਦੀ ਬਚਤ ਕਰੋ
• ਕਾਰ ਧੋਣ ਤੋਂ ਗੁਰੇਜ਼ ਕਰੋ - ਪ੍ਰਤੀ ਵਾਹਨ 260 ਲੀਟਰ ਤੱਕ ਦੀ ਬਚਤ ਕਰੋ
• ਕੱਪੜੇ ਧੋਣ ਦੌਰਾਨ ਪੂਰਾ ਲੋਡ ਚਲਾਓ - ਪ੍ਰਤੀ ਲੋਡ 200 ਲੀਟਰ ਤੱਕ ਦੀ ਬਚਤ ਕਰੋ
• ਜੇ ਹੱਥ ਨਾਲ ਭਾਂਡੇ ਧੋਣੇ ਹਨ ਤਾਂ ਸਿੰਕ ਨੂੰ ਭਰਕੇ ਧੋਵੋ
• ਨਲ ਨੂੰ ਲਗਾਤਾਰ ਚਲਾਉਣ ਦੀ ਬਜਾਏ ਫਰਿੱਜ ਵਿੱਚ ਠੰਡੇ ਪਾਣੀ ਦਾ ਇੱਕ ਜੱਗ ਰੱਖੋ

• ਪਾਣੀ ਦੀਆਂ ਸਥਾਨਕ ਪਾਬੰਦੀਆਂ ਜਾਂ ਪਾਣੀ ਦੀ ਵਰਤੋਂ ਦੇ ਨਿਯਮਾਂ ਦੀ ਪਾਲਣਾ ਕਰੋ - ਬਹੁਤ ਸਾਰੇ ਖੇਤਰਾਂ ਵਿੱਚ ਪਹਿਲਾਂ ਹੀ ਬਾਹਰ ਪਾਣੀ ਦੀ ਵਰਤੋਂ ‘ਤੇ ਦੀਆਂ ਪਾਬੰਦੀਆਂ ਹਨ
• ਜੇ ਇਜਾਜ਼ਤ ਹੋਵੇ ਤਾਂ ਆਪਣੇ ਲਾਅਨ ਨੂੰ ਹਫ਼ਤੇ ‘ਚ ਇੱਕ ਵਾਰ ਹੀ ਪਾਣੀ ਦਿਓ - ਹਰ ਮਹੀਨੇ 37,600 ਲੀਟਰ ਦੀ ਬਚਤ ਕਰੋ 
  • ਲਾਅਨ ਨੂੰ ਪ੍ਰਤੀ ਹਫਤੇ ਸਿਰਫ 1 ਇੰਚ ਪਾਣੀ ਦੀ ਲੋੜ ਹੁੰਦੀ ਹੈ
  • ਵਾਸ਼ਪੀਕਰਨ (evaporation) ਨੂੰ ਘਟਾਉਣ ਲਈ ਸਵੇਰੇ ਜਾਂ ਸ਼ਾਮ ਨੂੰ ਪਾਣੀ ਦਿਓ
• ਬਾਹਰੀ ਪੌਦਿਆਂ ਦੀ ਵਰਤੋਂ ਲਈ ਮੀਂਹ ਦਾ ਪਾਣੀ ਇਕੱਠਾ ਕਰੋ ਜਾਂ ਇਸਤੇਮਾਲ ਕੀਤੇ ਜਾ ਚੁੱਕੇ ਪਾਣੀ ਦੀ ਦੁਬਾਰਾ ਵਰਤੋਂ ਕਰੋ
• ਅਜਿਹੇ ਯਾਰਡ ਜਾਂ ਗਾਰਡਨ ਲਗਾਓ ਜਿਨ੍ਹਾਂ ਨੂੰ ਜ਼ਿਆਦਾ ਪਾਣੀ ਦੀ ਲੋੜ ਨਹੀਂ ਹੁੰਦੀ
• ਬਾਹਰ ਹੋਜ਼ ਦੀ ਬਜਾਏ ਝਾੜੂ ਨਾਲ ਸਫ਼ਾਈ ਕਰੋ
• ਲੀਕ ਲਈ ਸਾਰੀ ਪਲੰਬਿੰਗ ਅਤੇ ਹੋਜ਼ ਦੀ ਜਾਂਚ ਕਰੋ
• ਪਾਣੀ ਦੀ ਬੱਚਤ ਕਰਨ ਵਾਲੇ ਪੂਲ ਫਿਲਟਰ ਦੀ ਵਰਤੋਂ ਕਰੋ

• ਫੌਲੋ ਕਰੋ:
  • ਪਾਣੀ ਦੀਆਂ ਸਥਾਨਕ ਪਾਬੰਦੀਆਂ ਜਾਂ ਪਾਣੀ ਦੀ ਵਰਤੋਂ ਦੇ ਨਿਯਮ  
  • ਪਾਣੀ ਦੇ ਲਾਇਸੰਸਧਾਰਕ ਦੇ ਅਧਿਕਾਰ ਅਤੇ ਜ਼ੁੰਮੇਵਾਰੀਆਂ
  • ਬੀ ਸੀ ਐਨਰਜੀ ਰੈਗੂਲੇਟਰ ਦੇ ਨਿਰਦੇਸ਼
  • ਅਸਥਾਈ ਸੁਰੱਖਿਆ ਆਦੇਸ਼
• ਜ਼ਰੂਰੀ ਪਾਣੀ ਦੀ ਵਰਤੋਂ ਦੀ ਸਮੀਖਿਆ ਕਰੋ
• ਗੈਰ-ਜ਼ਰੂਰੀ ਪਾਣੀ ਦੀ ਵਰਤੋਂ ਨੂੰ ਘਟਾਓ
• ਪਾਣੀ ਦੀ ਬੱਚਤ ਲਈ ਪਾਣੀ ਦੇ ਸਿਸਟਮ ਦੀ ਵਧੀਆ ਢੰਗ ਨਾਲ ਵੱਧ ਤੋਂ ਵੱਧ ਵਰਤੋਂ ਕਰੋ
• ਉਦਯੋਗਿਕ (industrial) ਕੰਮਾਂ ਵਿੱਚ ਵਰਤੇ ਜਾਂਦੇ ਪਾਣੀ ਨੂੰ ਰੀਸਾਈਕਲ ਕਰੋ
• ਪਾਣੀ ਦੀ ਬੱਚਤ ਵਾਲੇ ਤਰੀਕਿਆਂ ਅਤੇ ਉਪਕਰਣਾਂ ਦੀ ਵਰਤੋਂ ਕਰੋ
• ਲੀਕ ਲਈ ਸਾਰੀ ਪਲੰਬਿੰਗ ਦੀ ਜਾਂਚ ਕਰੋ
• ਇਸਤੇਮਾਲ ਕੀਤੇ ਜਾ ਚੁੱਕੇ ਪਾਣੀ ਨਾਲ ਲੈਂਡਸਕੇਪਿੰਗ ਕਰੋ
• ਵਾਟਰ ਰੀਸਰਕੂਲੇਟਿੰਗ ਸਿਸਟਮ ਇੰਸਟਾਲ ਕਰੋ
• ਪਾਣੀ ਦਾ ਆਡਿਟ (ਪਾਣੀ ਕਿੱਥੇ ਅਤੇ ਕਿਵੇਂ ਇਸਤੇਮਾਲ ਹੋ ਰਿਹਾ ਹੈ, ਇਸ ਦੀ ਜਾਂਚ) ਕਰੋ
• ਪਾਣੀ ਦੀ ਵਰਤੋਂ ਦੀ ਨਿਗਰਾਨੀ ਕਰੋ
• ਪਾਣੀ ਦੀ ਬੱਚਤ ਦੀਆਂ ਨੀਤੀਆਂ ਲਾਗੂ ਕਰੋ
• ਲੋਅ ਫਲੋ (ਘੱਟ ਵਹਾਅ) ਡਿਵਾਈਸਾਂ ਨੂੰ ਇੰਸਟਾਲ ਕਰੋ
• ਉਦਯੋਗਿਕ ਵਰਤੋਂ ਲਈ ਪਾਣੀ ਦੀ ਸੰਭਾਲ ਕਰਨ ਵਾਲੇ ਫਿਕਸਚਰ ਨੂੰ ਅਪਗ੍ਰੇਡ ਕਰੋ
• ਉੱਚ-ਮਾਤਰਾ ਵਾਲੀਆਂ ਹੋਜ਼ ਨੂੰ ਉੱਚ-ਦਬਾਅ, ਘੱਟ-ਮਾਤਰਾ ਵਾਲੇ ਸਫਾਈ ਸਿਸਟਮ ਨਾਲ ਬਦਲੋ
• ਕਰਮਚਾਰੀਆਂ ਨੂੰ ਪਾਣੀ ਦੀ ਬੱਚਤ ਕਰਨ ਵਾਲੇ ਵਿਵਹਾਰ ਅਪਣਾਉਣ ਲਈ ਉਤਸ਼ਾਹਿਤ ਕਰੋ

ਸਵਾਲ ਪੁੱਛਣ ਅਤੇ ਪਾਣੀ ਦੇ ਲਾਇਸੈਂਸ ਜਾਂ ਅਸਥਾਈ ਸੁਰੱਖਿਆ ਆਦੇਸ਼ਾਂ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰਨ ਲਈ, ਆਪਣੇ ਖੇਤਰ ਵਿੱਚ FrontCounter BC ਦਫਤਰ ਨਾਲ ਸੰਪਰਕ ਕਰੋ।

• ਬੀ ਸੀ ਹਾਈਡਰੋ ਆਮਦਨ ਯੋਗਤਾ ਪ੍ਰਾਪਤ ਪਰਿਵਾਰਾਂ ਲਈ ਐਨਰਜੀ ਸੇਵਿੰਗ ਕਿੱਟ (ਜਿਸ ਵਿੱਚ ਪਾਣੀ ਦੀ ਬੱਚਤ ਕਰਨ ਵਾਲੇ ਏਰੇਟਰ ਸ਼ਾਮਲ ਹਨ) ਅਤੇ ਮੁਫਤ ਪੋਰਟੇਬਲ ਏਅਰ ਕੰਡੀਸ਼ਨ ਪ੍ਰਦਾਨ ਕਰਦਾ ਹੈ
• ਹੀਟ ਪੰਪ ਵਾਟਰ ਹੀਟਰ ਛੋਟਾਂ ਵੀ ਪ੍ਰਦਾਨ ਕਰਦਾ ਹੈ

ਐਬਟਸਫੋਰਡ ਅਤੇ ਮਿਸ਼ਨ

• ਐਬਟਸਫੋਰਡ ਅਤੇ ਮਿਸ਼ਨ ਦੇ ਵਸਨੀਕ ਮੁਫ਼ਤ ਵਿੱਚ ਇੱਕ ਇਰੀਗੇਸ਼ਨ ਐਂਡ ਲੈਂਡਸਕੇਪ ਅਸੈਸਮੈਂਟ (ਸੀਂਚਾਈ ਅਤੇ ਲੈਂਡਸਕੇਪ ਮੁਲਾਂਕਣ) ਲੈ ਸਕਦੇ ਹਨ 

ਸਿਟੀ ਔਫ ਚਿਲੀਵੈਕ

• ਸਿਟੀ ਔਫ ਚਿਲਿਵੈਕ ਆਪਣੇ ਨਿਵਾਸੀਆਂ ਨੂੰ ਕਈ ਇਨਸੈਂਟਿਵ ਦੀ ਪੇਸ਼ਕਸ਼ ਕਰਦੀ ਹੈ, ਜਿਸ ਵਿੱਚ ਅਗਲੀਐਸਟ ਲਾਅਨ ਕੌਨਟੈਸਟ, ਲੋ-ਫਲੋ ਟੌਇਲਟ ਰਿਬੇਟ, ਰੇਨ ਬੈਰਲ ਰਿਬੇਟ, ਅਤੇ ਬਾਹਰੀ ਪਾਣੀ ਦੀ ਸੰਭਾਲ ਲਈ ਸਬਸਿਡੀ ਵਾਲੀਆਂ ਕਿੱਟ ਸ਼ਾਮਲ ਹਨ 

ਸਿਟੀ ਔਫ ਕੋਕੁਇਟਲਮ

• ਸਿਟੀ ਔਫ ਕੋਕੁਇਟਲਮ ਪਾਣੀ ਦੀ ਘੱਟ ਵਰਤੋਂ ਵਾਲੇ ਸਾਜ਼ੋ-ਸਮਾਨ ਨੂੰ ਘੱਟ ਕੀਮਤ ‘ਤੇ ਵੇਚਣ ਦੀ ਪੇਸ਼ਕਸ਼ ਕਰਦਾ ਹੈ ਜਿਵੇਂ ਕਿ ਮੀਂਹ ਦੇ ਬੈਰਲ ਅਤੇ ਇਲੈਕਟ੍ਰਿਕ ਵਾਟਰ ਟਾਈਮਰ ਅਤੇ ਟੌਇਲੈਟ ਅਪਗ੍ਰੇਡ ਕਰਨ ਲਈ ਰਿਬੇਟ ਟੈਕਸ ਕ੍ਰੈਡਿਟ ਪ੍ਰੋਗਰਾਮ

ਡੈਲਟਾ

• ਡੈਲਟਾ ਦੇ ਸਿੰਗਲ-ਫੈਮਿਲੀ ਵਾਲੇ ਘਰਾਂ ਦੇ ਮਾਲਕ ਵੌਲੰਟਰੀ ਵਾਟਰ ਮੀਟਰ ਪ੍ਰੋਗਰਾਮ ਲਈ ਸਾਈਨ ਅੱਪ ਕਰ ਸਕਦੇ ਹਨ, ਜੋ ਕਿ ਫਲੈਟ ਰੇਟ ਫੀਸ ਦੇ ਉਲਟ ਉਪਭੋਗਤਾ-ਭੁਗਤਾਨ ਸਿਸਟਮ ਨੂੰ ਉਤਸ਼ਾਹਿਤ ਕਰਦਾ ਹੈ, ਅਤੇ ਇਸ ਨਾਲ ਪਾਣੀ ਦੇ ਬਚਾਅ ਨੂੰ ਉਤਸ਼ਾਹਿਤ ਕੀਤਾ ਜਾਂਦਾ ਹੈ

ਸਿਟੀ ਔਫ ਪੋਰਟ ਕੋਕੁਇਟਲਮ

• ਸਿਟੀ ਔਫ ਪੋਰਟ ਕੋਕੁਇਟਲਮ ਉਹਨਾਂ ਵਸਨੀਕਾਂ ਨੂੰ ਇਨਸੈਂਟਿਵ ਦੀ ਪੇਸ਼ਕਸ਼ ਕਰ ਰਹੀ ਹੈ ਜੋ ਆਪਣੇ ਲਾਅਨ ਨੂੰ ‘ਗੋਲਡਨ’ (ਪਾਣੀ ਨਾ ਦੇਣ ਕਾਰਨ ਘਾਹ ਦਾ ਸੁੱਕ ਕੇ ਸੁਨਿਹਰੇ ਰੰਗ ਦਾ ਹੋ ਜਾਣਾ) ਕਰ ਰਹੇ ਹਨ। ‘ਗੋਲਡਨ ਸਟ੍ਰੀਟ’ ਅਤੇ ਤਿੰਨ ‘ਗੋਲਡਨ ਲਾਅਨਜ਼’ ਲਈ ਇਨਾਮ ਵੀ ਮੁਹਈਆ ਕੀਤੇ ਗਏ ਹਨ।

ਮੇਪਲ ਰਿੱਜ

• ਮੇਪਲ ਰਿੱਜ ਵਿੱਚ ਘਰਾਂ ਦੇ ਮਾਲਕ ਆਪਣੇ ਘਰ ਵਿੱਚ ਪਾਣੀ ਦੀ ਘੱਟ ਵਰਤੋਂ ਵਾਲੇ ਟੌਇਲਟ ਲਗਵਾਉਣ ‘ਤੇ ਟੈਕਸ ਕ੍ਰੈਡਿਟ ਪ੍ਰਾਪਤ ਕਰ ਸਕਦੇ ਹਨ

ਰਿਚਮੰਡ

• ਲੋ-ਫਲੱਸ਼ ਟੌਇਲਟ ਲਗਵਾਉਣ ‘ਤੇ ਯੂਟਿਲਿਟੀ ਰਿਬੇਟ ਪ੍ਰਾਪਤ ਕਰ ਸਕਦੇ ਹਨ

ਮਕੈਨਜ਼ੀ

• ਮਕੈਨਜ਼ੀ ਦੇ ਵਸਨੀਕ ਟੌਇਲਟ, ਵਾਸ਼ਿੰਗ-ਮਸ਼ੀਨਾਂ ਅਤੇ ਡਿਸ਼ਵਾਸ਼ਰਾਂ ਨੂੰ ਘੱਟ ਵਹਾਅ (ਲੋ-ਫਲੋ) ਅਤੇ ਵਧੇਰੇ ਕੁਸ਼ਲ ਹੋਣ ਲਈ ਅੱਪਗ੍ਰੇਡ ਕਰਨ ‘ਤੇ ਰਿਬੇਟ ਪ੍ਰਾਪਤ ਕਰ ਸਕਦੇ ਹਨ

ਪ੍ਰਿੰਸ ਜੌਰਜ

• ਪ੍ਰਿੰਸ ਜੌਰਜ ਦੇ ਨਿਵਾਸੀ ਵੌਲੰਟਰੀ ਰੈਜ਼ੀਡੈਨਸ਼ੀਅਲ ਵਾਟਰ ਮੀਟਰ ਪ੍ਰੋਗਰਾਮ ਲਈ ਸਾਈਨ ਅੱਪ ਕਰ ਸਕਦੇ ਹਨ ਜੋ ਉਹਨਾਂ ਨੂੰ ਪਾਣੀ ਦੀ ਵਰਤੋਂ ਨੂੰ ਸਹੀ ਤਰੀਕੇ ਨਾਲ ਟਰੈਕ ਕਰਨ, ਪਾਣੀ ਦਾ ਬਚਾਅ ਕਰਨ ਅਤੇ ਸਿਰਫ਼ ਉਹਨਾਂ ਦੁਆਰਾ ਵਰਤੇ ਗਏ ਪਾਣੀ ਲਈ ਹੀ ਭੁਗਤਾਨ ਕਰਕੇ ਪੈਸਿਆਂ ਦੀ ਬਚਤ ਕਰਵਾ ਸਕਦਾ ਹੈ। 

ਵਿਲੀਅਮਜ਼ ਲੇਕ

• ਵਿਲੀਅਮਜ਼ ਲੇਕ ਟੌਇਲਟ, ਵਾਸ਼ਿੰਗ ਮਸ਼ੀਨਾਂ ਅਤੇ ਡਿਸ਼ਵਾਸ਼ਰਾਂ ਨੂੰ ਘੱਟ ਵਹਾਅ ਅਤੇ ਵਧੇਰੇ ਕੁਸ਼ਲ ਬਣਾਉਣ ਲਈ ਅਪਗ੍ਰੇਡ ਕਰਨ ਲਈ ਅਪਲਾਇਐਂਸ ਛੋਟਾਂ ਦੀ ਪੇਸ਼ਕਸ਼ ਕਰਦੀ ਹੈ

ਓਕਾਨਾਗਨ ਬੇਸਿਨ ਵਾਟਰ ਬੋਰਡ

• ਜਲ ਸੰਭਾਲ ਅਤੇ ਗੁਣਵੱਤਾ ਸੁਧਾਰ ਗ੍ਰਾਂਟ (Water Conservation and Quality Improvement Grant)

ਕਲੋਨਾ 

• ਸਿਟੀ ਔਫ ਕਲੋਨਾ ਦਾ ਸਮਾਰਟ ਵਾਟਰ ਪ੍ਰੋਗਰਾਮ ਸਿੰਗਲ-ਫੈਮਿਲੀ ਘਰਾਂ ਅਤੇ ਸਟ੍ਰੈਟਾ ਕੰਪਲੈਕਸਾਂ ਵਿੱਚ ਰਹਿਣ ਵਾਲੇ ਨਿਵਾਸੀਆਂ ਨੂੰ ਸਿੰਚਾਈ ਵਾਲੇ ਲੈਂਡਸਕੇਪ ਖੇਤਰਾਂ ਨੂੰ ਪਾਣੀ ਦੀ ਘੱਟ ਵਰਤੋਂ ਕਰਨ ਵਾਲਾ ਬਣਾਉਣ ਲਈ ਅੱਪਡੇਟ ਕਰਨ ਲਈ ਛੋਟਾਂ ਦੀ ਪੇਸ਼ਕਸ਼ ਕਰਦਾ ਹੈ 

ਪੀਚਲੈਂਡ 

• ਪੀਚਲੈਂਡ ਦੀ ਗ੍ਰੀਨ ਕ੍ਰੈਡਿਟਸ ਪਾਲਿਸੀ, ਅੱਧੇ ਤੋਂ ਦੋ ਏਕੜ ਦੇ ਵਿਚਕਾਰ ਪ੍ਰੌਪਰਟੀ ਵਾਲੇ ਭੋਜਨ ਉਤਪਾਦਕਾਂ ਨੂੰ ਸਿੰਚਾਈ ਦੇ ਪਾਣੀ ਲਈ ‘ਵਾਟਰ ਕੰਜ਼ੰਪਸ਼ਨ ਕੌਸਟ ਕ੍ਰੈਡਿਟ’ ਪ੍ਰਦਾਨ ਕਰਦੀ ਹੈ

ਕੋਮੌਕਸ ਵੈਲੀ ਰੀਜਨਲ ਡਿਸਟ੍ਰਿਕਟ

• ਕੋਮੌਕਸ ਵੈਲੀ ਵਾਟਰ ਸਿਸਟਮ ਤੋਂ ਸਿੰਚਾਈ ਜਾਂ ਮਿੱਟੀ ਰਾਹੀਂ ਵਧੇਰੇ ਕੁਸ਼ਲਤਾ ਨਾਲ ਪਾਣੀ ਦੀ ਵਰਤੋਂ ਕਰਨ ਲਈ ਕੋਮੌਕਸ ਵੈਲੀ ਰੀਜਨਲ ਡਿਸਟ੍ਰਿਕਟ ਵਾਟਰ ਕੰਜ਼ਰਵੇਸ਼ਨ ਰਿਬੇਟਸ ਉਪਲਬਧ ਹਨ

ਰੀਜਨਲ ਡਿਸਟ੍ਰਿਕਟ ਔਫ ਨਨਾਇਮੋ

• ਰੀਜਨਲ ਡਿਸਟ੍ਰਿਕਟ ਔਫ ਨਨਾਇਮੋ ਦੇ ਵਾਟਰ ਕੰਜ਼ਰਵੇਸ਼ਨ ਰਿਬੇਟਸ ਸਿੰਚਾਈ ਦੇ ਅੱਪਗ੍ਰੇਡਾਂ, ਰੇਨ ਵਾਟਰ ਹਾਰਵੈਸਟਿੰਗ, ਵੈੱਲਹੈਡ ਅੱਪਗ੍ਰੇਡ, ਖੂਹ ਦੇ ਪਾਣੀ ਦੀ ਜਾਂਚ ਅਤੇ ਸੈਪਟਿਕ ਅੱਪਗ੍ਰੇਡਾਂ ਲਈ ਰਿਬੇਟ ਅਤੇ ਇਨਸੈਂਟਿਵ ਦੀ ਪੇਸ਼ਕਸ਼ ਕਰਦਾ ਹੈ 

ਸਨਸ਼ਾਈਨ ਕੋਸਟ ਰੀਜਨਲ ਡਿਸਟ੍ਰਿਕਟ

• ਸਨਸ਼ਾਈਨ ਕੋਸਟ ਰੀਜਨਲ ਡਿਸਟ੍ਰਿਕਟ ਦਾ ਰੇਨਵਾਟਰ ਹਾਰਵੈਸਟਿੰਗ ਰਿਬੇਟ ਪ੍ਰੋਗਰਾਮ ਬਾਹਰੀ ਵਰਤੋਂ ਲਈ ਪਾਣੀ ਇਕੱਠਾ ਕਰਨ ਅਤੇ ਵਰਤਣ ਲਈ ਬਰਸਾਤੀ ਪਾਣੀ ਲਈ ਸਟੋਰੇਜ ਸਿਸਟਮ ਸਥਾਪਤ ਕਰਨ ਲਈ ਰਿਬੇਟ ਦੀ ਪੇਸ਼ਕਸ਼ ਕਰਦਾ ਹੈ।

ਸਿਟੀ ਔਫ ਕੈਂਪਬੈਲ ਰਿਵਰ

• ਸਿਟੀ ਔਫ ਕੈਂਪਬੈਲ ਰਿਵਰ ਵਾਟਰ ਕੰਜ਼ਰਵੇਸ਼ਨ ਰਿਬੇਟ ਇਨੀਸ਼ੀਏਟਿਵ ਟੌਇਲਟ, ਵਾਸ਼ਿੰਗ ਮਸ਼ੀਨਾਂ ਅਤੇ ਡਿਸ਼ਵਾਸ਼ਰਾਂ ਨੂੰ ਘੱਟ ਵਹਾਅ ਅਤੇ ਵਧੇਰੇ ਕੁਸ਼ਲ ਬਣਾਉਣ ਲਈ ਅਪਗ੍ਰੇਡ ਕਰਨ ਲਈ ਛੋਟਾਂ ਦੀ ਪੇਸ਼ਕਸ਼ ਕਰਦਾ ਹੈ

ਸਿਟੀ ਔਫ ਵਿਕਟੋਰੀਆ

• ਸਿਟੀ ਔਫ ਵਿਕਟੋਰੀਆ ਲੋਕਾਂ ਨੂੰ ਆਪਣੀ ਪ੍ਰੌਪਰਟੀ ‘ਤੇ ਬਰਸਾਤੀ ਪਾਣੀ ਦੀ ਕੁਸ਼ਲ ਵਰਤੋਂ ਲਈ ਰੇਨਵਾਟਰ ਰਿਵਾਰਡਜ਼ ਕ੍ਰੈਡਿਟ ਅਤੇ ਰਿਬੇਟਸ ਦੀ ਪੇਸ਼ਕਸ਼ ਕਰਦੀ ਹੈ

ਕੈਪਿਟਲ ਰੀਜਨਲ ਡਿਸਟ੍ਰਿਕਟ

• ਕੈਪਿਟਲ ਰੀਜਨਲ ਡਿਸਟ੍ਰਿਕਟ ਦੇ ਇੰਡਸਟ੍ਰੀਅਲ ਕਮਰਸ਼ੀਅਲ ਇੰਸਟੀਟਿਊਸ਼ਨਲ ਵਾਟਰ ਐਫਿਸ਼ੀਐਂਸੀ ਪ੍ਰੋਗਰਾਮ, ਕਾਰੋਬਾਰਾਂ ਨੂੰ ‘ਵੰਸ-ਥਰੂ ਕੂਲਡ ਇਕੁਇਪਮੈਂਟ’ (ਏਅਰ ਕੰਡਿਸ਼ਨਰ, ਫਰਿੱਜ, ਕੂਲਰ, ਅਤੇ ਆਈਸ ਮਸ਼ੀਨਾਂ), ਸਾਰੇ ਹੱਥ ਧੋਣ ਵਾਲੇ ਸਿੰਕ ‘ਤੇ ਏਰੀਏਟਰ, ਮੁਫ਼ਤ ਪਾਣੀ ਦੀ ਵਰਤੋਂ ਅਤੇ ਕੁਸ਼ਲਤਾ ਔਡਿਟ ਨੂੰ ਸਥਾਪਤ ਕਰਨ ਲਈ ਰਿਬੇਟ ਦੀ ਪੇਸ਼ਕਸ਼ ਕਰਦਾ ਹੈ।

ਗੈਲੀਆਨੋ ਆਇਲੈਂਡ

• ਗੈਲੀਆਨੋ ਕੰਜ਼ਰਵੇਂਸੀ ਐਸੋਸੀਏਸ਼ਨ ਦਾ ਵਾਟਰ ਕੰਜ਼ਰਵੇਸ਼ਨ ਰਿਬੇਟ ਪ੍ਰੋਗਰਾਮ ਵਸਨੀਕਾਂ ਨੂੰ ਪਾਣੀ ਦੇ ਮੀਟਰਾਂ ਅਤੇ ਮੀਂਹ ਦੇ ਪਾਣੀ ਦੇ ਬੈਰਲਾਂ 'ਤੇ ਛੋਟ ਦੀ ਪੇਸ਼ਕਸ਼ ਕਰਦਾ ਹੈ

ਟਾਊਨ ਔਫ ਲੇਡੀਸਮਿਥ

• ਟਾਊਨ ਔਫ ਲੇਡੀਸਮਿਥ ਮੀਂਹ ਦੇ ਬੈਰਲ ਖਰੀਦਣ ਵਾਲੇ ਵਸਨੀਕਾਂ ਲਈ ਛੋਟਾਂ ਦੀ ਪੇਸ਼ਕਸ਼ ਕਰਦਾ ਹੈ

• ਸੋਕਾ ਘੱਟ ਵਹਾਅ ਅਤੇ ਗਰਮ ਪਾਣੀ ਦੀਆਂ ਪਰਿਸਥਿਤੀਆਂ ਦਾ ਕਾਰਨ ਬਣ ਸਕਦਾ ਹੈ। ਇਹ ਮੱਛੀਆਂ, ਖਾਸ ਕਰਕੇ ਠੰਡੇ ਪਾਣੀ ਦੀਆਂ ਕਿਸਮਾਂ ਜਿਵੇਂ ਕਿ ਟ੍ਰਾਊਟ, ਸੈਲਮਨ ਅਤੇ ਸਟੀਲਹੈਡ ਨੂੰ ਘੱਟ ਆਕਸੀਜਨ ਦੇ ਪੱਧਰ ਅਤੇ ਬਿਮਾਰੀ ਲਈ ਵਧੇਰੇ ਕਮਜ਼ੋਰ ਬਣਾਉਂਦਾ ਹੈ
• ਮੱਛੀਆਂ ਸਾਡੇ ਵਾਤਾਵਰਨ ਨੂੰ ਸਿਹਤਮੰਦ ਰੱਖਣ ਲਈ ਮਹੱਤਵਪੂਰਨ ਹਨ। ਮੱਛੀਆਂ ਬਹੁਤ ਸਾਰੇ ਇੰਡੀਜਨਸ  ਲੋਕਾਂ ਲਈ ਮਹੱਤਵਪੂਰਨ ਸੱਭਿਆਚਾਰਕ ਮੁੱਲ ਵੀ ਰੱਖਦੀਆਂ ਹੈ ਅਤੇ ਬਹੁਤ ਸਾਰੇ ਭਾਈਚਾਰਿਆਂ ਲਈ ਭੋਜਨ ਸੁਰੱਖਿਆ ਵਿੱਚ ਯੋਗਦਾਨ ਪਾਉਂਦੀਆਂ ਹਨ
• ਸੋਕੇ ਦੇ ਦੌਰਾਨ, ਕਮਜ਼ੋਰ ਮੱਛੀਆਂ ਅਤੇ ਵਾਟਰਸ਼ੈਡਾਂ ਨੂੰ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਨੁਕਸਾਨ ਤੋਂ ਬਚਾਉਣ ਲਈ ਕਾਰਵਾਈਆਂ ਕੀਤੀਆਂ ਜਾ ਸਕਦੀਆਂ ਹਨ ਜਿਨ੍ਹਾਂ ਨੂੰ ਠੀਕ ਹੋਣ ਵਿੱਚ ਪੀੜ੍ਹੀਆਂ ਲੱਗ ਸਕਦੀਆਂ ਹਨ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:
  • ਗੈਰ-ਘਰੇਲੂ ਪਾਣੀ ਦੀ ਵਰਤੋਂ ਨੂੰ ਘਟਾਉਣ ਜਾਂ ਰੋਕਣ ਲਈ ਅਸਥਾਈ ਸੁਰੱਖਿਆ ਆਦੇਸ਼
  • ਐਂਗਲਿੰਗ ਸੀਮਾਵਾਂ ਕੁਝ ਖੇਤਰਾਂ ਵਿੱਚ ਦਿਲ ਪਰਚਾਵੇ ਲਈ ਫਿਸ਼ਿੰਗ ਨੂੰ ਸੀਮਤ ਕਰ ਸਕਦੀਆਂ ਹਨ ਕਿਉਂਕਿ ਪਰਿਸਥਿਤੀਆਂ ਛੱਡੀਆਂ ਗਈਆਂ ਮੱਛੀਆਂ ਨੂੰ ਰਿਕਵਰ ਕਰਨਾ ਮੁਸ਼ਕਲ ਬਣਾਉਂਦੀਆਂ ਹਨ

• ਸੋਕੇ ਦੇ ਪ੍ਰਭਾਵ ਕਾਰਨ, ਹੋ ਸਕਦਾ ਹੈ ਕਿ ਭੋਜਨ ਦੀ ਤਲਾਸ਼ ਵਿੱਚ ਰਿੱਛ ਸ਼ਹਿਰੀ ਖੇਤਰਾਂ ਤੱਕ ਆ ਜਾਣ। ਅਕਸਰ, ਉਹਨਾਂ ਲਈ ਭੋਜਨ ਦਾ ਇਹ ਨਵਾਂ ਸਰੋਤ ਗਾਰਬੇਜ (ਕੂੜਾ) ਜਾਂ ਬਰਡਫ਼ੀਡਰ ਹੁੰਦੇ ਹਨ। ਕੂੜੇ ਦੀ ਸਫ਼ਾਈ ਕਰਕੇ, ਸਟੋਰ ਕਰਕੇ ਅਤੇ ਸੁਰੱਖਿਅਤ ਕਰਕੇ, ਰਿੱਛਾਂ ਨੂੰ ਆਉਣ ਤੋਂ ਰੋਕੋ। ਰਿੱਛਾਂ ਤੋਂ ਸੁਰੱਖਿਆ ਲਈ ਵਧੇਰੇ ਸੁਝਾਵਾਂ ਲਈ, WildSafeBC.com ‘ਤੇ ਜਾਓ
• 1-877-952-7277 ‘ਤੇ ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਨਾਲ ਸੰਪਰਕ ਕਰੋ

• ਫੁੱਟਪਾਥਾਂ ਦੇ ਨੇੜੇ ਅਤੇ ਜਨਤਕ ਥਾਂਵਾਂ ਜਾਂ ਬੁਲੇਵਾਰਡਾਂ ‘ਤੇ ਰੁੱਖ ਸ਼ਹਿਰਾਂ ਦੇ ਵਾਤਾਵਰਨ ਦੀ ਤੰਦਰੁਸਤੀ ਲਈ ਮਹੱਤਵਪੂਰਨ ਹਨ। ਇਹ ਅਤਿਅੰਤ ਗਰਮੀ ਦੌਰਾਨ ਛਾਂ ਅਤੇ ਠੰਡਕ ਦਿੰਦੇ ਹਨ।
• ਕਮਿਊਨਿਟੀਆਂ ਇਹਨਾਂ ਸ਼ਹਿਰੀ ਰੁੱਖਾਂ ਨੂੰ ਪਾਣੀ ਦੇਣਾ ਜਾਰੀ ਰੱਖਣਗੀਆਂ। ਆਪਣੇ ਘਰ ਜਾਂ ਕੰਮ ਦੇ ਨੇੜੇ ਕਿਸੇ ਰੁੱਖ ਨੂੰ ਪਾਣੀ ਦੇਣ ਲਈ ਰੀਸਾਈਕਲ ਕੀਤੇ ਪਾਣੀ ਦੀ ਵਰਤੋਂ ਕਰਕੇ ਮਦਦ ਕਰਨ ਬਾਰੇ ਵਿਚਾਰ ਕਰੋ। ਅਜਿਹੇ ਮੁਰਝਾ ਰਹੇ ਰੁੱਖ ਦੀ ਰਿਪੋਰਟ ਕਰਨ ਲਈ – ਜਿਸਦੇ ਪੱਤੇ ਹਲਕੇ ਰੰਗ ਦੇ ਹਨ, ਛੋਟੇ ਹਨ, ਜਾਂ ਅਸਧਾਰਨ ਤੌਰ ‘ਤੇ ਲਟਕ ਰਹੇ ਹਨ – ਕਿਰਪਾ ਕਰਕੇ ਆਪਣੀ ਸਥਾਨਕ ਸਰਕਾਰ ਜਾਂ ਫਰਸਟ ਨੇਸ਼ਨਜ਼ ਨਾਲ ਸੰਪਰਕ ਕਰੋ।

• ਸੋਕੇ ਦੀਆਂ ਪਰਿਸਥਿਤੀਆਂ ਜੰਗਲੀ ਅੱਗ ਦੇ ਜੋਖਮ ਨੂੰ ਵਧਾਉਂਦੀਆਂ ਹਨ। ਬਿਜਲੀ ਅਤੇ ਤੇਜ਼ ਹਵਾਵਾਂ ਅਸਾਨੀ ਨਾਲ ਜੰਗਲੀ ਅੱਗਾਂ ਦੇ ਸ਼ੁਰੂ ਹੋਣ ਦਾ ਕਾਰਨ ਬਣ ਸਕਦੀਆਂ ਹਨ। ਗਰਮ ਅਤੇ ਖੁਸ਼ਕ ਮੌਸਮ ਅੱਗ ਦੇ ਤੇਜ਼ੀ ਨਾਲ ਫੈਲਣ ਅਤੇ ਦੇਰ ਤੱਕ ਜਲਦੇ ਰਹਿਣ ਦਾ ਕਾਰਨ ਬਣਦਾ ਹੈ।
• ਜੰਗਲੀ ਅੱਗ ਪ੍ਰਤੀ ਸਾਵਧਾਨੀ ਵਰਤੋ ਅਤੇ ਜੰਗਲੀ ਅੱਗਾਂ ਨੂੰ ਰੋਕਣ ਵਿੱਚ ਆਪਣਾ ਯੋਗਦਾਨ ਪਾਓ
• ਜੇਕਰ ਪਾਣੀ ਦੀਆਂ ਪਾਬੰਦੀਆਂ ਲਾਗੂ ਹੁੰਦੀਆਂ ਹਨ ਤਾਂ ਜੰਗਲੀ ਅੱਗ ਨਾਲ ਨਜਿੱਠਣ ਵਾਲੇ ਲੋਕ (wildfire crews) ਅੱਗ ਬੁਝਾਉਣ ਲਈ ਪਾਣੀ ਦੀ ਵਰਤੋਂ ਜਾਰੀ ਰੱਖ ਸਕਦੇ ਹਨ

• ਸੋਕਾ ਫਸਲਾਂ ਦੀ ਉਪਜ ਅਤੇ ਗੁਣਵੱਤਾ ਨੂੰ ਘਟਾ ਸਕਦਾ ਹੈ, ਜਿਸ ਨਾਲ ਹੋ ਸਕਦਾ ਹੈ ਕਿ ਜ਼ਿਆਦਾ ਫਸਲ ਨਾ ਹੋਵੇ
• ਇਹੀ ਕਾਰਨ ਹੈ ਕਿ ਅਸੀਂ ਕਿਸਾਨਾਂ ਅਤੇ ਭੋਜਨ ਉਤਪਾਦਕਾਂ ਲਈ ਖੇਤਾਂ ਵਿੱਚ ਵਧੇਰੇ ਪਾਣੀ ਸਟੋਰੇਜ ਬਣਾ ਕੇ, ਸੋਕਾ-ਰਹਿਤ ਅਤੇ ਪਾਣੀ ਦੀ ਕੁਸ਼ਲ ਵਰਤੋਂ ਕਰਨ ਵਾਲੀਆਂ ਫਸਲਾਂ ਬੀਜ ਕੇ, ਅਤੇ ਸਹਾਇਤਾ ਅਤੇ ਸਰੋਤ ਪ੍ਰਦਾਨ ਕਰਕੇ ਸੋਕੇ ਲਈ ਤਿਆਰੀ ਕਰਨ ਵਿੱਚ ਮਦਦ ਕਰ ਰਹੇ ਹਾਂ

• ਸੋਕਾ ਪਾਣੀ ਦੀ ਸਪਲਾਈ ਨੂੰ ਪ੍ਰਭਾਵਤ ਕਰ ਸਕਦਾ ਹੈ, ਪਾਣੀ ਦੀ ਗੁਣਵੱਤਾ ਨੂੰ ਪ੍ਰਭਾਵਤ ਕਰ ਸਕਦਾ ਹੈ ਅਤੇ ਪਾਣੀ ਦੇ ਵਹਾਅ ਜਾਂ ਪ੍ਰੈਸ਼ਰ ਨੂੰ ਘਟਾ ਸਕਦਾ ਹੈ
• ਜੇਕਰ ਸੋਕੇ ਕਾਰਨ ਕਿਸੇ ਕਮਿਊਨਿਟੀ ਦੀ ਪਾਣੀ ਸਪਲਾਈ ਨੂੰ ਖਤਰਾ ਹੁੰਦਾ ਹੈ, ਤਾਂ ਜਨਤਕ ਸਿਹਤ ਅਤੇ ਸੁਰੱਖਿਆ ਲਈ ਐਮਰਜੈਂਸੀ ਸਪਲਾਈ ਪ੍ਰਦਾਨ ਕੀਤੀ ਜਾਵੇਗੀ

• ਸੋਕੇ ਦਾ ਸਾਹਮਣਾ ਕਰ ਰਹੇ ਕਿਸਾਨਾਂ ਅਤੇ ਭੋਜਨ ਉਤਪਾਦਕਾਂ ਲਈ ਬਹੁਤ ਸਾਰੇ ਸਰੋਤ ਅਤੇ ਸਹਾਇਤਾਵਾਂ ਉਪਲਬਧ ਹਨ, ਜਿਸ ਵਿੱਚ ਸ਼ਾਮਲ ਹਨ:
  • ਨੁਕਸਾਨ ਦੀ ਭਰਪਾਈ ਲਈ ਇੰਸ਼ੋਰੈਂਸ ਅਤੇ ਵਿੱਤੀ ਸਹਾਇਤਾ
  • ਤਣਾਅ ਨੂੰ ਘਟਾਉਣ ਅਤੇ ਤੰਦਰੁਸਤੀ ਵਿੱਚ ਸੁਧਾਰ ਲਿਆਉਣ ਵਿੱਚ ਮਦਦ ਕਰਨ ਲਈ ਸਿਹਤ ਅਤੇ ਤੰਦਰੁਸਤੀ ਸੰਬੰਧੀ ਸਰੋਤ
  • ਸੋਕੇ ਦੌਰਾਨ ਫਸਲਾਂ ਅਤੇ ਪਸ਼ੂਆਂ ਦੇ ਪ੍ਰਬੰਧਨ ਲਈ ਗਾਈਡ
• ਸੋਕਾ ਸੂਚਨਾ ਪੋਰਟਲ ਬੀ.ਸੀ. ਦੇ 34 ਵਾਟਰ ਬੇਸਿਨਾਂ ਵਿੱਚ ਸੋਕੇ ਦੇ ਪੱਧਰ ਦਾ ਵਰਗੀਕਰਨ ਦਰਸਾਉਂਦਾ ਹੈ। ਪਾਣੀ ਦੀ ਸਟੋਰੇਜ, ਸਪਲਾਈ ਅਤੇ ਮੰਗ ਦੇ ਅਧਾਰ ‘ਤੇ ਹਰੇਕ ਬੇਸਿਨ ਦੇ ਅੰਦਰ ਸਥਾਨਕ ਪਰਿਸਥਿਤੀਆਂ ਵੱਖ-ਵੱਖ ਹੋ ਸਕਦੀਆਂ ਹਨ।
• ਐਗ੍ਰੀਕਲਚਰ ਵਾਟਰ ਕੈਲਕਿਉਲੇਟਰ ਕਿਸਾਨਾਂ ਦੀ ਖੇਤ ਲਈ ਸਲਾਨਾ ਸਿੰਚਾਈ ਜਾਂ ਪਸ਼ੂਆਂ ਦੀਆਂ ਪਾਣੀ ਦੀਆਂ ਲੋੜਾਂ ਦਾ ਅੰਦਾਜ਼ਾ ਲਗਾਉਣ ਵਿੱਚ ਮਦਦ ਕਰਦਾ ਹੈ।
• 2024 ਦੀ ਸੋਕੇ ਦੇ ਸਰੋਤਾਂ ਲਈ ਗਾਈਡ (2024 Quick Guide to Drought Resources) (PDF)

• ਕਿਸਾਨਾਂ ਅਤੇ ਭੋਜਨ ਉਤਪਾਦਕਾਂ ਨੂੰ ਸੋਕੇ ਲਈ ਤਿਆਰ ਕਰਨ ਵਿੱਚ ਮਦਦ ਕਰਨ ਲਈ ਸੂਬੇ ਭਰ ਵਿੱਚ ਔਨਲਾਈਨ ਅਤੇ ਵਿਅਕਤੀਗਤ ਵਰਕਸ਼ਾਪਾਂ ਅਤੇ ਖੇਤਾਂ ਵਿੱਚ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ। ਪਾਣੀ ਬਚਾਉਣ ਦੇ ਨਵੇਂ ਤਰੀਕਿਆਂ ਅਤੇ ਸਹਾਇਤਾਵਾਂ ਅਤੇ ਸਰੋਤਾਂ ਤੱਕ ਕਿਵੇਂ ਪਹੁੰਚ ਕਰਨੀ ਹੈ, ਇਸ ਬਾਰੇ ਜਾਣੋ
• ਆਪਣੇ ਨੇੜੇ ਕੋਈ ਸੈਸ਼ਨ ਲੱਭੋ ਜਾਂ ਕੋਈ ਰਿਕਾਰਡਿੰਗ ਦੇਖੋ

• ਇਹ ਪ੍ਰੋਗਰਾਮ ਸੋਕੇ ਕਾਰਨ, ਸੁਕਾਈ ਗਈ ਚਰੀ ਅਤੇ ਫ਼ੀਡ ਲੈਣ ਲਈ ਸੰਘਰਸ਼ ਕਰ ਰਹੇ ਬੀ.ਸੀ. ਦੇ ਕਿਸਾਨਾਂ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਸੁਕਾਈ ਗਈ ਚਰੀ ਅਤੇ ਫ਼ੀਡ ਵੇਚਣ ਵਾਲਿਆਂ ਨਾਲ ਜੋੜਦਾ ਹੈ। ਵਿੱਤੀ ਸਹਾਇਤਾ ਵੀ ਉਪਲਬਧ ਹੋ ਸਕਦੀ ਹੈ।
• ਵਧੇਰੇ ਜਾਣਕਾਰੀ ਲਈ ਬੀ ਸੀ ਕੈਟਲਮੈਨਜ਼ ਐਸੋਸੀਏਸ਼ਨ ਨਾਲ ਸੰਪਰਕ ਕਰੋ

• IAF ਬੀ.ਸੀ. ਦੇ ਖੇਤੀਬਾੜੀ ਅਤੇ ਐਗ੍ਰੀਫ਼ੂਡ ਸੈਕਟਰ ਲਈ ਕਈ ਤਰ੍ਹਾਂ ਦੇ ਫੰਡਿੰਗ ਪ੍ਰੋਗਰਾਮ ਪ੍ਰਦਾਨ ਕਰਦਾ ਹੈ।
• ਪਤਾ ਲਗਾਓ ਕਿ ਅਰਜ਼ੀ ਕਿਵੇਂ ਦੇਣੀ ਹੈ

• ਕਿਸਾਨ ਅਤੇ ਭੋਜਨ ਉਤਪਾਦਕ ਖੇਤੀਬਾੜੀ ਅਤੇ ਸਿੰਚਾਈ ਦੇ ਉਦੇਸ਼ਾਂ ਲਈ ਪਾਣੀ ਦੇ ਬਿਹਤਰ ਪ੍ਰਬੰਧਨ, ਇਕੱਠਾ ਕਰਨ, ਢੋਆ-ਢੁਆਈ ਅਤੇ ਸਟੋਰ ਕਰਨ ਲਈ ਬੁਨਿਆਦੀ ਢਾਂਚੇ ਦੀ ਫੰਡਿੰਗ ਲਈ ਅਰਜ਼ੀ ਦੇ ਸਕਦੇ ਹਨ
• ਪਤਾ ਲਗਾਓ ਕਿ ਅਰਜ਼ੀ ਕਿਵੇਂ ਦੇਣੀ ਹੈ (ਅਰਜ਼ੀਆਂ ਮਈ ਵਿੱਚ ਖੁੱਲ੍ਹ ਰਹੀਆਂ ਹਨ)

• ਉਤਪਾਦਕ ਸੇਬ, ਚੈਰੀ, ਅੰਗੂਰ, ਰਸਬੇਰੀ, ਬਲੂਬੈਰੀ ਅਤੇ ਹੇਜ਼ਲਨੱਟ ਵਰਗੀਆਂ ਜਲਵਾਯੂ ਤਬਦੀਲੀ ਲਈ ਵਧੇਰੇ ਮਜ਼ਬੂਤ ਫਸਲਾਂ ਨੂੰ ਹਟਾਉਣ, ਬਦਲਣ ਅਤੇ ਲਗਾਉਣ ਲਈ ਫੰਡਿੰਗ ਲਈ ਅਰਜ਼ੀ ਦੇ ਸਕਦੇ ਹਨ
• ਪਤਾ ਲਗਾਓ ਕਿ ਅਰਜ਼ੀ ਕਿਵੇਂ ਦੇਣੀ ਹੈ

• ਖੇਤੀਬਾੜੀ ਅਤੇ ਸਮੁੰਦਰੀ ਭੋਜਨ ਉਤਪਾਦਕ ਅਤੇ ਪ੍ਰੋਸੈਸਰ ਆਪਣੇ ਕਾਰੋਬਾਰਾਂ ਨੂੰ ਸਹਿਯੋਗ ਦੇਣ ਲਈ ਪ੍ਰੋਗਰਾਮਾਂ ਅਤੇ ਫੰਡਿੰਗ ਤੱਕ ਪਹੁੰਚ ਕਰ ਸਕਦੇ ਹਨ।
• ਪਤਾ ਲਗਾਓ ਕਿ ਅਰਜ਼ੀ ਕਿਵੇਂ ਦੇਣੀ ਹੈ

• ਉਦਯੋਗ ਮਾਹਰ ਉਨ੍ਹਾਂ ਕਿਸਾਨਾਂ ਅਤੇ ਭੋਜਨ ਉਤਪਾਦਕਾਂ ਦੀ ਮਦਦ ਕਰਨ ਲਈ ਤਿਆਰ ਹਨ ਜਿਨ੍ਹਾਂ ਨੂੰ ਸਹਾਇਤਾ ਦੀ ਲੋੜ ਹੈ
  • ਆਪਣੀ ਸਥਾਨਕ ਉਦਯੋਗ ਐਸੋਸੀਏਸ਼ਨ ਨਾਲ ਸੰਪਰਕ ਕਰੋ ਜਾਂ
  • ਐਗ੍ਰੀਸਰਵਿਸ ਬੀ ਸੀ ਲਾਈਨ ‘ਤੇ ਸੋਮਵਾਰ ਤੋਂ ਸ਼ੁੱਕਰਵਾਰ ਸਵੇਰੇ 8:30 ਵਜੇ ਤੋਂ ਸ਼ਾਮ 4:30 ਵਜੇ ਦੇ ਵਿਚਕਾਰ 1-888-221-7141 ‘ਤੇ ਕੌਲ ਕਰੋ

• ਸੋਕਾ ਸੂਚਨਾ ਪੋਰਟਲ ਬੀ.ਸੀ. ਦੇ 34 ਵਾਟਰ ਬੇਸਿਨਾਂ ਵਿੱਚ ਸੋਕੇ ਦੇ ਪੱਧਰ ਦਾ ਵਰਗੀਕਰਨ ਦਰਸਾਉਂਦਾ ਹੈ। ਪਾਣੀ ਦੀ ਸਟੋਰੇਜ, ਸਪਲਾਈ ਅਤੇ ਮੰਗ ਦੇ ਅਧਾਰ ‘ਤੇ ਹਰੇਕ ਬੇਸਿਨ ਦੇ ਅੰਦਰ ਸਥਾਨਕ ਸਥਿਤੀਆਂ ਵੱਖ-ਵੱਖ ਹੋ ਸਕਦੀਆਂ ਹਨ।
• ਵਾਟਰ ਕੰਜ਼ਰਵੇਸ਼ਨ ਕੈਲਕਿਉਲੇਟਰ ਸਥਾਨਕ ਸਰਕਾਰਾਂ ਅਤੇ ਫਰਸਟ ਨੇਸ਼ਨਜ਼ ਦੀ ਇਹ ਸਮਝਣ ਵਿੱਚ ਮਦਦ ਕਰਦਾ ਹੈ ਕਿ ਪਾਣੀ ਅਤੇ ਵਿੱਤੀ ਸਰੋਤਾਂ, ਦੋਵਾਂ ਦੀ ਬਚਤ ਕਰਨ ਲਈ ਖਾਸ ਸੁਰੱਖਿਆ ਉਪਾਵਾਂ ਦੀ ਵਰਤੋਂ ਕਿਵੇਂ ਕੀਤੀ ਜਾ ਸਕਦੀ ਹੈ।
• ‘ਸੋਕਾ ਅਤੇ ਪਾਣੀ ਦੀ ਕਮੀ ਲਈ ਪ੍ਰਤਿਕਿਰਿਆ ਯੋਜਨਾ’ (Drought and Water Scarcity Response Plan) – ਕਮਿਊਨਿਟੀਆਂ ਨੂੰ ਸਰੋਤਾਂ ਨੂੰ ਵਿਕਸਤ ਕਰਨ ਅਤੇ ਸਥਾਨਕ ਪਰਿਸਥਿਤੀਆਂ ਨਾਲ ਨਜਿੱਠਣ ਵਿੱਚ ਮਦਦ ਕਰਦੀ ਹੈ।
• ਸੋਕੇ ਅਤੇ ਹੋਰ ਕੁਦਰਤੀ ਆਫ਼ਤਾਂ ਦੇ ਖਤਰਿਆਂ ਦੀ ਪਛਾਣ ਕਰਨ, ਉਹਨਾਂ ਦੇ ਪ੍ਰਭਾਵਾਂ ਨੂੰ ਘਟਾਉਣ ਅਤੇ ਉਹਨਾਂ ਲਈ ਤਿਆਰੀ ਕਰਨ ਲਈ ਕਮਿਊਨਿਟੀ ਐਮਰਜੈਂਸੀ ਤਿਆਰੀ ਦੇ ਸਰੋਤ ਉਪਲਬਧ ਹਨ।

• ਸਥਾਨਕ ਸਰਕਾਰਾਂ ਡੇਟਾ ਇਕੱਠਾ ਕਰਨ, ਪ੍ਰੋਗਰਾਮ ਅਤੇ ਜਾਣਕਾਰੀ ਪ੍ਰਦਾਨ ਕਰਨ, ਐਮਰਜੈਂਸੀ ਪ੍ਰਤਿਕਿਰਿਆ ਅਤੇ ਹੋਰ ਸਾਧਨਾਂ ਅਤੇ ਕਾਰਜਨੀਤੀਆਂ ਦੁਆਰਾ ਸੋਕੇ ਲਈ ਪ੍ਰਬੰਧਨ ਵਿੱਚ ਸਹਿਯੋਗ ਦੇ ਸਕਦੀਆਂ ਹਨ।
• ਹੋਰ ਜਾਣਕਾਰੀ ਪ੍ਰਾਪਤ ਕਰੋ

• ਪੀਣ ਵਾਲੇ ਪਾਣੀ ਅਤੇ ਗੰਦੇ ਪਾਣੀ ਨੂੰ ਸਾਫ ਕਰਨ ਦੀਆਂ ਪ੍ਰਣਾਲੀਆਂ ਨੂੰ ਬਿਹਤਰ ਬਣਾਉਣ, ਤੱਟਵਰਤੀ (coastal) ਪਾਣੀ ਦੀ ਰੱਖਿਆ ਕਰਨ, ਅਤੇ ਸੋਕੇ ਦੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਕਮਿਊਨਿਟੀਆਂ ਲਈ ਵੱਖ-ਵੱਖ ਗ੍ਰਾਂਟ ਪ੍ਰੋਗਰਾਮ ਉਪਲਬਧ ਹਨ।

• ਅਸੀਂ ਫਰਸਟ ਨੇਸ਼ਨਜ਼ ਦੇ ਨਾਲ ਇੱਕ ਵਾਟਰਸ਼ੈਡ ਸੁਰੱਖਿਆ ਕਾਰਜਨੀਤੀ ਨੂੰ ਸਹਿ-ਵਿਕਸਤ ਕਰ ਰਹੇ ਹਾਂ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਬੀ.ਸੀ. ਦੀਆਂ ਸਾਰੀਆਂ ਕਮਿਊਨਿਟੀਆਂ ਕੋਲ ਪੀੜ੍ਹੀਆਂ ਤੱਕ ਸੁਰੱਖਿਅਤ, ਸਾਫ਼ ਪਾਣੀ ਤੱਕ ਪਹੁੰਚ ਹੋ ਸਕੇ।
  • ‘ਇਨਟੈਂਸ਼ਨ ਪੇਪਰ' ਅਤੇ ‘ਅਸੀਂ ਜੋ ਸੁਣਿਆ ਹੈ’ ਰਿਪੋਰਟ ਪੜ੍ਹੋ
• ਵਾਟਰਸ਼ੈਡ ਸੁਰੱਖਿਆ ਫੰਡ ਅਤੇ ‘ਹੈਲਥੀ ਵਾਟਰਸ਼ੈਡ ਇਨਿਸ਼ੀਏਟਿਵ’ ਉਹਨਾਂ ਪ੍ਰੋਜੈਕਟਾਂ ਨੂੰ ਸਹਿਯੋਗ ਦਿੰਦੇ ਹਨ ਜੋ ਸੂਬੇ ਭਰ ਵਿੱਚ ਵਾਟਰਸ਼ੈਡਾਂ ਨੂੰ ਬਹਾਲ ਕਰਦੇ ਹਨ, ਅਤੇ ਉਹਨਾਂ ਦੀ ਸੁਰੱਖਿਆ ਅਤੇ ਨਿਗਰਾਨੀ ਕਰਦੇ ਹਨ।
  • ਮੌਜੂਦਾ ਵਾਟਰਸ਼ੈਡ ਪ੍ਰੋਜੈਕਟਾਂ ਦੀ ਸੂਚੀ ਦੇਖੋ

• ਬੀ.ਸੀ. ਉਹਨਾਂ ਪ੍ਰੋਜੈਕਟਾਂ ਨੂੰ ਫੰਡ ਦੇਣ ਲਈ ਭਾਈਵਾਲਾਂ ਨਾਲ ਕੰਮ ਕਰ ਰਿਹਾ ਹੈ, ਜੋ:
  • ਸੈਲਮਨ ਅਤੇ ਹੋਰ ਤਰਜੀਹੀ ਜੰਗਲੀ ਮੱਛੀਆਂ ਦੀ ਸੁਰੱਖਿਆ ਅਤੇ ਬਹਾਲੀ ਕਰਦੇ ਹਨ
  • ਮੱਛੀਆਂ ਦੇ ਨਿਵਾਸ ਸਥਾਨ ਦਾ ਮੁੜ ਨਿਰਮਾਣ ਕਰਦੇ ਹਨ
  • ਮੱਛੀ ਪਾਲਣ ਅਤੇ ਮੱਛੀ ਫੜਨ ਦੇ ਟਿਕਾਊ ਅਭਿਆਸਾਂ ਦਾ ਪਾਲਣ ਕਰਦੇ ਹਨ
  • ਸੋਕੇ ਦੌਰਾਨ ਸੈਲਮਨ ਦੀ ਸੁਰੱਖਿਆ ਲਈ ਐਮਰਜੈਂਸੀ ਦਖਲਅੰਦਾਜ਼ੀ ਕਰਦੇ ਹਨ
• ਬੀ ਸੀ ਸੈਲਮਨ ਰੈਸਟੋਰੇਸ਼ਨ ਐਂਡ ਇਨੋਵੇਸ਼ਨ ਫੰਡ
• ਵਾਈਲਡ ਸੈਲਮਨ ਰਿਕਵਰੀ ਇਨਵੈਸਟਮੈਂਟ

• ਵਿਕਲਪਕ ਪੀਣ ਵਾਲੇ ਪਾਣੀ ਦੀ ਢੋਆ-ਢੁਆਈ ਲਈ ਫਰਸਟ ਨੇਸ਼ਨਜ਼ ਅਤੇ ਸਥਾਨਕ ਸਰਕਾਰਾਂ ਲਈ ਇੱਕ ਅਦਾਇਗੀ ਪ੍ਰੋਗਰਾਮ ਉਪਲਬਧ ਹੈ। ਜੇਕਰ ਲੋੜ ਹੋਵੇ, ਫਰਸਟ ਨੇਸ਼ਨਜ਼ ਅਤੇ ਸਥਾਨਕ ਸਰਕਾਰਾਂ ਨੂੰ ਆਪਣੇ ਸੂਬਾਈ ਖੇਤਰੀ ਐਮਰਜੈਂਸੀ ਤਾਲਮੇਲ ਕੇਂਦਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
• ਜੇਕਰ ਕੋਈ ਕਮਿਊਨਿਟੀ ਪਾਣੀ ਦੀ ਗੰਭੀਰ ਘਾਟ ਦਾ ਅਨੁਭਵ ਕਰਦੀ ਹੈ, ਤਾਂ ਉਸ ਨਾਲ ਨਜਿੱਠਣ ਲਈ ਇੱਕ ਐਮਰਜੈਂਸੀ ਪ੍ਰਤਿਕਿਰਿਆ ਲਾਗੂ ਕੀਤੀ ਜਾਵੇਗੀ
• ਜੇਕਰ ਲੋੜ ਹੋਵੇ, ਤਾਂ ਭਾਈਚਾਰਿਆਂ ਨੂੰ ਵਿਕਲਪਕ ਪੀਣ ਵਾਲੇ ਪਾਣੀ ਅਤੇ ‘ਡੀਸੇਲੇਨਾਈਜ਼ੇਸ਼ਨ ਯੂਨਿਟ’ (desalinization units) ਦੀ ਢੋਆ-ਢੁਆਈ ਲਈ ਅਦਾਇਗੀ ਕੀਤੀ ਜਾ ਸਕਦੀ ਹੈ। ਆਪਣੇ ਸੂਬਾਈ ਖੇਤਰੀ ਐਮਰਜੈਂਸੀ ਤਾਲਮੇਲ ਕੇਂਦਰ ਨਾਲ ਸੰਪਰਕ ਕਰੋ

• ਜਲ ਸੰਭਾਲ ਸੈਰ-ਸਪਾਟਾ ਉਦਯੋਗ ਟੂਲਕਿੱਟ (Water conservation tourism industry toolkit) ਵਿੱਚ ਰਿਜ਼ੋਰਟਾਂ, ਰੈਸਟੋਰੈਂਟਾਂ ਅਤੇ ਹੋਰ ਸੈਰ-ਸਪਾਟਾ ਉਦਯੋਗ ਦੇ ਭਾਈਵਾਲਾਂ ਲਈ ਪਾਣੀ ਬਚਾਉਣ ਵਿੱਚ ਮਦਦ ਕਰਨ ਲਈ ਸੁਝਾਅ ਹਨ

• ਤਿਆਰੀ ਦੀ ਯੋਜਨਾ ਬਾਰੇ ਚਰਚਾ ਕਰਨ ਲਈ ਜਾਂ ਮਦਦ ਲੈਣ ਲਈ, ਆਪਣੇ ਸਥਾਨਕ ਐਮਰਜੈਂਸੀ ਪ੍ਰਬੰਧਨ ਅਤੇ ਜਲਵਾਯੂ ਤਬਦੀਲੀ ਲਈ ਤਿਆਰੀ ਲਈ ਖੇਤਰੀ ਦਫ਼ਤਰ (Emergency Management and Climate Readiness regional office) ਨਾਲ ਸੰਪਰਕ ਕਰੋ
• ਮਿਊਂਨਿਸਿਪਲ ਮਾਮਲਿਆਂ ਦੇ ਮੰਤਰਾਲੇ ਦੇ ਸਥਾਨਕ ਸਰਕਾਰ ਦੇ ਵਿਭਾਗ (Ministry of Municipal Affairs, Local Government Office) ਨਾਲ ਸੰਪਰਕ ਕਰ ਸਕਦੇ ਹਨ