ਬੀ.ਸੀ. ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰ ਰਹੇ ਲੋਕਾਂ ਨੂੰ ਡੀਕ੍ਰਿਮਨਲਾਈਜ਼ (ਗੈਰ-ਅਪਰਾਧੀਕਰਨ) ਕਰਨਾ
Publication date: August 7, 2024English | 繁體中文 | 简体中文 | Français | ਪੰਜਾਬੀ | فارسی| Tagalog | 한국어 | Español | عربى | Tiếng Việt | 日本語| हिंदी
ਇਸ ਪੰਨੇ ‘ਤੇ:
- ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦਾ ‘ਡੀਕ੍ਰਿਮਨਲਾਈਜ਼ੇਸ਼ਨ’ ਕੀ ਹੈ
- ਹੈਲਥ ਕੈਨੇਡਾ ਛੋਟ ਕਿਵੇਂ ਕੰਮ ਕਰਦੀ ਹੈ
- ਕੀ ਗੈਰ ਕਨੂੰਨੀ ਰਹੇਗਾ
- ਲਾਗੂਕਰਨ ਅਤੇ ਜਨਤਕ ਸੁਰੱਖਿਆ
- ਲੋਕਾਂ ਨੂੰ ਸੰਭਾਲ ਅਤੇ ਇਲਾਜ ਨਾਲ ਜੋੜਨਾ
- ਨਿਗਰਾਨੀ ਅਤੇ ਮੁਲਾਂਕਣ
- ਰਿਪੋਰਟ
- ਸਰੋਤ
ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦਾ ‘ਡੀਕ੍ਰਿਮਨਲਾਈਜ਼ੇਸ਼ਨ’ ਕੀ ਹੈ
ਨਸ਼ੇ ਦੀ ਲਤ ਸਿਹਤ ਦਾ ਮੁੱਦਾ ਹੈ, ਅਪਰਾਧਿਕ ਮੁੱਦਾ ਨਹੀਂ। ਨਸ਼ਿਆਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਨੂੰ ਡੀਕ੍ਰਿਮੀਨਲਾਈਜ਼ (ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਨਿੱਜੀ ਵਰਤੋਂ ਲਈ ਆਪਣੇ ਕੋਲ ਰੱਖਣ ਨੂੰ ਅਪਰਾਧ ਦੇ ਦਾਇਰੇ ’ਚੋਂ ਬਾਹਰ ਕਰਨ ਦੀ ਛੋਟ) ਕਰਨਾ ਉਨ੍ਹਾਂ ਬਹੁਤ ਸਾਰੀਆਂ ਕਾਰਵਾਈਆਂ ਵਿੱਚੋਂ ਇੱਕ ਹੈ ਜੋ ਬੀ.ਸੀ. ਜ਼ਹਿਰੀਲੇ ਨਸ਼ੀਲੇ ਪਦਾਰਥਾਂ ਦੇ ਉਸ ਸੰਕਟ ਨਾਲ ਨਜਿੱਠਣ ਲਈ ਕਰ ਰਿਹਾ ਹੈ, ਜੋ ਸਾਡੇ ਅਜ਼ੀਜ਼ਾਂ ਦੀਆਂ ਜਾਨਾਂ ਲੈ ਰਿਹਾ ਹੈ; ਤਾਂਕਿ ਲੋਕ ਰੋਕਥਾਮ ਅਤੇ ਨੁਕਸਾਨ ਘਟਾਉਣ ਤੋਂ ਲੈ ਕੇ ਇਲਾਜ ਅਤੇ ਰਿਕਵਰੀ ਵਰਗੀ ਲੋੜੀਂਦੀ ਸੰਭਾਲ ਪ੍ਰਾਪਤ ਕਰਨ ਲਈ ਜ਼ਿੰਦਾ ਰਹਿ ਸਕਣ।
ਨਸ਼ਿਆਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਨੂੰ ਡੀਕ੍ਰਿਮੀਨਲਾਈਜ਼ ਕਰਨ ਦਾ ਟੀਚਾ ਬਦਨਾਮੀ ਦੇ ਡਰ ਅਤੇ ਅਪਰਾਧਿਕ ਕਨੂੰਨੀ ਕਾਰਵਾਈ ਦੇ ਡਰ ਨੂੰ ਘਟਾਉਣਾ ਹੈ ਜੋ ਲੋਕਾਂ ਨੂੰ ਡਾਕਟਰੀ ਸਹਾਇਤਾ ਸਮੇਤ ਮਦਦ ਲਈ ਪਹੁੰਚ ਕਰਨ ਤੋਂ ਰੋਕਦਾ ਹੈ।
ਇਸ ਸਮੇਂ ਬੀ.ਸੀ. ਵਿੱਚ:
- ਜਨਤਕ ਤੌਰ 'ਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਗੈਰ-ਕਨੂੰਨੀ ਹੈ। ਲੋਕਾਂ ਨੂੰ ਜਨਤਕ ਥਾਵਾਂ, ਜਿਵੇਂ ਕਿ ਹਸਪਤਾਲਾਂ, ਕਾਰੋਬਾਰਾਂ, ਟ੍ਰਾਂਜ਼ਿਟ ਅਤੇ ਪਾਰਕਾਂ ਵਿੱਚ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਨ ਜਾਂ ਰੱਖਣ ਦੀ ਆਗਿਆ ਨਹੀਂ ਹੈ।
- ਬਾਲਗਾਂ ਕੋਲ ਨਿੱਜੀ ਘਰਾਂ, ਸ਼ੈਲਟਰਾਂ, ਅਤੇ ਆਊਟਪੇਸ਼ੈਂਟ ਐਡਿਕਸ਼ਨ, ਓਵਰਡੋਜ਼ ਦੀ ਰੋਕਥਾਮ ਅਤੇ ਨਸ਼ੀਲੇ ਪਦਾਰਥਾਂ ਦੀ ਜਾਂਚ ਸੇਵਾਵਾਂ ਦੀਆਂ ਥਾਂਵਾਂ ਸਮੇਤ ਵਿਸ਼ੇਸ਼ ਥਾਵਾਂ 'ਤੇ ਨਿੱਜੀ ਵਰਤੋਂ ਲਈ ਕੁਝ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ (ਓਪੀਓਇਡਜ਼, ਕੋਕੇਨ, ਮੈਥ ਅਤੇ ਐਕਸਟੇਸੀ) ਦੀ ਕਨੂੰਨੀ ਤੌਰ 'ਤੇ ਥੋੜ੍ਹੀ ਮਾਤਰਾ ਹੋ ਸਕਦੀ ਹੈ।
ਹੈਲਥ ਕੈਨੇਡਾ ਛੋਟ ਕਿਵੇਂ ਕੰਮ ਕਰਦੀ ਹੈ
ਹੈਲਥ ਕੈਨੇਡਾ ਨੇ ਬੀ.ਸੀ. ਸੂਬੇ ਨੂੰ ਨਸ਼ਿਆਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਨੂੰ ਡੀਕ੍ਰਿਮੀਨਲਾਈਜ਼ ਕਰਨ ਲਈ ‘ਕੰਟਰੋਲਡ ਡਰੱਗਜ਼ ਐਂਡ ਸਬਸਟੈਂਸ ਐਕਟ’ ਤਹਿਤ ਤਿੰਨ ਸਾਲ ਦੀ ਛੋਟ ਦਿੱਤੀ ਹੈ, ਜੋ 31 ਜਨਵਰੀ, 2023 ਤੋਂ ਲਾਗੂ ਹੋਈ ਹੈ।
ਛੋਟ ਦੇ ਤਹਿਤ, ਵਿਸ਼ੇਸ਼ ਥਾਂਵਾਂ 'ਤੇ ਨਿੱਜੀ ਵਰਤੋਂ ਲਈ ਕੁਝ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਥੋੜ੍ਹੀ ਮਾਤਰਾ ਰੱਖਣ ਦੀ ਆਗਿਆ ਹੈ।
ਇਨ੍ਹਾਂ ਥਾਵਾਂ 'ਤੇ, 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਬਾਲਗਾਂ ਨੂੰ ਨਿੱਜੀ ਵਰਤੋਂ ਲਈ ਕੁਝ ਗੈਰ-ਕਨੂੰਨੀ ਨਸ਼ਿਆਂ ਦੀ ਥੋੜ੍ਹੀ ਮਾਤਰਾ ਰੱਖਣ ਲਈ ਗਿਰਫ਼ਤਾਰ ਨਹੀਂ ਕੀਤਾ ਜਾਵੇਗਾ, ਚਾਰਜ ਨਹੀਂ ਕੀਤਾ ਜਾਵੇਗਾ ਜਾਂ ਨਸ਼ੀਲੇ ਪਦਾਰਥ ਜ਼ਬਤ ਨਹੀਂ ਕੀਤੇ ਜਾਣਗੇ। ਇਸ ਦੀ ਬਜਾਏ, ਲੋਕਾਂ ਨੂੰ ਸਿਹਤ ਸੰਭਾਲ ਸੰਬੰਧੀ ਜਾਣਕਾਰੀ ਦੀ ਪੇਸ਼ਕਸ਼ ਕੀਤੀ ਜਾਵੇਗੀ ਅਤੇ ਬੇਨਤੀ ਕੀਤੇ ਜਾਣ 'ਤੇ ਇਲਾਜ ਅਤੇ ਸਹਾਇਤਾਵਾਂ ਲਈ ਭੇਜਿਆ ਜਾਵੇਗਾ।
ਲੋਕੇਸ਼ਨ:
- ਨਿੱਜੀ ਰਿਹਾਇਸ਼ਾਂ
- ਉਹ ਥਾਂਵਾਂ ਜਿੱਥੇ ਬਿਨਾਂ ਘਰ ਵਾਲੇ ਵਿਅਕਤੀ ਕਨੂੰਨੀ ਤੌਰ 'ਤੇ ਪਨਾਹ ਲੈ ਰਹੇ ਹਨ (ਇੰਡੋਰ ਅਤੇ ਆਊਟਡੋਰ ਥਾਂਵਾਂ)
- ਓਵਰਡੋਜ਼ ਦੀ ਰੋਕਥਾਮ, ਨਸ਼ੀਲੇ ਪਦਾਰਥਾਂ ਦੀ ਜਾਂਚ ਅਤੇ ਦੇਖ-ਰੇਖ ਹੇਠ ਨਸ਼ੇ ਦੀ ਵਰਤੋਂ ਵਾਲੀਆਂ ਸਾਈਟਾਂ
- ਉਹ ਥਾਂਵਾਂ ਜੋ ਆਊਟ-ਪੇਸ਼ੈਂਟ ਐਡਿਕਸ਼ਨ ਦੀਆਂ ਸੇਵਾਵਾਂ ਪ੍ਰਦਾਨ ਕਰਦੀਆਂ ਹਨ ਜਿਵੇਂ ਕਿ ‘ਰੈਪਿਡ ਐਕਸਸ ਐਡਿਕਸ਼ਨ ਕਲੀਨਿਕ’ (ਨਸ਼ੇ ਦੀ ਲਤ ਸੰਬੰਧੀ ਤੇਜ਼ੀ ਨਾਲ ਪਹੁੰਚ ਪ੍ਰਦਾਨ ਕਰਦੇ ਕਲੀਨਿਕ)
ਛੋਟ ਵਿੱਚ ਸ਼ਾਮਲ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ (ਕੁੱਲ 2.5 ਗ੍ਰਾਮ ਤੱਕ):
- ਓਪੀਓਇਡਜ਼ (ਜਿਵੇਂ ਕਿ ਹੈਰੋਇਨ, ਮੋਰਫੀਨ ਅਤੇ ਫੈਂਟਾਨਿਲ)
- ਕ੍ਰੈਕ ਅਤੇ ਪਾਊਡਰ ਕੋਕੇਨ
- ਮੈਥਾਮਫੈਟਾਮੀਨ (ਮੈਥ)
- MDMA (ਐਕਸਟੇਸੀ)
ਕੀ ਗੈਰ ਕਨੂੰਨੀ ਰਹੇਗਾ
- 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਬਾਲਗ ਆਪਣੇ ਕੋਲ ਇਹ ਨਹੀਂ ਰੱਖ ਸਕਦੇ:
- ਛੋਟ ਵਿੱਚ ਸ਼ਾਮਲ ਕੀਤੇ ਗਏ ਨਸ਼ੀਲੇ ਪਦਾਰਥਾਂ ਦੀ ਕੁੱਲ 2.5 ਗ੍ਰਾਮ ਤੋਂ ਵੱਧ ਮਾਤਰਾ
- ਹੋਰ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਕੋਈ ਵੀ ਮਾਤਰਾ ਜੋ ਛੋਟ ਵਿੱਚ ਸ਼ਾਮਲ ਨਹੀਂ ਕੀਤੀ ਗਈ ਹੈ
- ਹਸਪਤਾਲਾਂ, ਕਾਰੋਬਾਰਾਂ, ਟ੍ਰਾਂਜ਼ਿਟ ਅਤੇ ਪਾਰਕਾਂ ਵਰਗੀਆਂ ਜਨਤਕ ਥਾਵਾਂ 'ਤੇ ਨਸ਼ੀਲੇ ਪਦਾਰਥਾਂ ਦੀ ਕੋਈ ਵੀ ਮਾਤਰਾ
- 18 ਸਾਲ ਤੋਂ ਘੱਟ ਉਮਰ ਦੇ ਨੌਜਵਾਨਾਂ ਕੋਲ ਕਿਸੇ ਵੀ ਮਾਤਰਾ ਵਿੱਚ ਨਸ਼ੀਲੇ ਪਦਾਰਥ ਨਹੀਂ ਹੋ ਸਕਦੇ।
- ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ ਕਨੂੰਨੀ ਨਹੀਂ ਹਨ। ਉਨ੍ਹਾਂ ਦੀ ਤਸਕਰੀ ਨਹੀਂ ਕੀਤੀ ਜਾ ਸਕਦੀ ਜਾਂ ਇਨ੍ਹਾਂ ਨੂੰ ਸਟੋਰਾਂ ਵਿੱਚ ਵੇਚਿਆ ਨਹੀਂ ਜਾ ਸਕਦਾ।
- ਨਸ਼ੀਲੇ ਪਦਾਰਥਾਂ ਦਾ ਉਤਪਾਦਨ, ਆਯਾਤ ਅਤੇ ਨਿਰਯਾਤ ਗੈਰ-ਕਨੂੰਨੀ ਰਹੇਗਾ, ਜਦੋਂ ਤੱਕ ਕਿ CDSA ਦੇ ਤਹਿਤ ਅਧਿਕਾਰਤ ਨਹੀਂ ਕੀਤਾ ਜਾਂਦਾ।
ਲਾਗੂਕਰਨ ਅਤੇ ਜਨਤਕ ਸੁਰੱਖਿਆ
- ਨਸ਼ੇ ਦੀ ਲਤ ਨੂੰ ਇੱਕ ਸਿਹਤ ਮੁੱਦੇ ਵਜੋਂ ਨਾ ਕਿ ਅਪਰਾਧਿਕ ਮੁੱਦਾ ਸਮਝਕੇ ਇਲਾਜ ਕਰਨ ਦਾ ਸਮਰਥਨ ਕਰਨ ਲਈ ਪੁਲਿਸ ਨੂੰ ਮਾਰਗ ਦਰਸ਼ਨ ਦਿੱਤਾ ਗਿਆ ਹੈ
- ਅਧਿਕਾਰੀਆਂ ਕੋਲ ਹੁਣ ਜਨਤਕ ਥਾਵਾਂ 'ਤੇ ਨਸ਼ਿਆਂ ਦੀ ਸਮੱਸਿਆਤਮਕ ਵਰਤੋਂ ਵਿਰੁੱਧ ਲਾਗੂ ਕਰਨ ਲਈ ਸਾਧਨ ਅਤੇ ਅਧਿਕਾਰ ਹੈ।
- ਜਦੋਂ ਪੁਲਿਸ ਨੂੰ ਕਿਸੇ ਅਜਿਹੀ ਵਾਰਦਾਤ ਵਾਲੀ ਥਾਂ 'ਤੇ ਬੁਲਾਇਆ ਜਾਂਦਾ ਹੈ ਜਿੱਥੇ ਗੈਰ-ਕਨੂੰਨੀ ਅਤੇ ਖਤਰਨਾਕ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਹੋ ਰਹੀ ਹੈ, ਤਾਂ ਪੁਲਿਸ ਇਹ ਕਰ ਸਕਦੀ ਹੈ:
- ਇਲਾਜ ਅਤੇ ਸਮਾਜਕ ਸੇਵਾਵਾਂ ਵਾਸਤੇ ਸਿਹਤ ਸੰਭਾਲ ਸੰਬੰਧੀ ਜਾਣਕਾਰੀ ਅਤੇ ਰਿਫ਼ਰਲ ਦੀ ਪੇਸ਼ਕਸ਼ ਕਰਨਾ
- ਵਿਅਕਤੀ ‘ਤੇ ਜਗ੍ਹਾ ਛੱਡਣ ਲਈ ਜ਼ੋਰ ਪਾਉਣਾ
- ਲੋੜ ਪੈਣ 'ਤੇ ਨਸ਼ੀਲੇ ਪਦਾਰਥਾਂ ਨੂੰ ਜ਼ਬਤ ਕਰਨਾ
- ਜੇ ਲੋੜ ਪਵੇ ਤਾਂ ਵਿਅਕਤੀ ਨੂੰ ਗਿਰਫ਼ਤਾਰ ਕਰਨਾ
- ਇਸ ਤੋਂ ਇਲਾਵਾ, ਰੈਪਿਡ ਰਿਸਪਾਂਸ ਟੀਮਾਂ ਮਾਨਸਿਕ ਸਿਹਤ ਜਾਂ ਨਸ਼ੇ ਦੇ ਸੰਕਟ ਵਿੱਚ ਲੋਕਾਂ ਦੀਆਂ ਕੌਲਾਂ ਦਾ ਜਵਾਬ ਦੇਣ ਲਈ ਬਹੁਤ ਸਾਰੇ ਭਾਈਚਾਰਿਆਂ ਵਿੱਚ ਕੰਮ ਕਰਦੀਆਂ ਹਨ:
- ਮੋਬਾਈਲ ਇੰਟੀਗ੍ਰੇਟਿਡ ਕਰਾਈਸਿਸ ਰਿਸਪਾਂਸ ਟੀਮਾਂ ਪੁਲਿਸ ਨੂੰ ਇੱਕ ਸਾਇਕੈਟਰਿਕ ਨਰਸ ਜਾਂ ਸੋਸ਼ਲ ਵਰਕਰ ਨਾਲ ਜੋੜਦੀਆਂ ਹਨ ਜੋ ਉੱਚ ਜੋਖਮ ਵਾਲੀਆਂ ਪਰਿਸਥਿਤੀਆਂ ਨੂੰ ਘਟਾਉਣ, ਤੁਰੰਤ ਵਿਸ਼ੇਸ਼ ਸੰਭਾਲ ਦੀ ਪੇਸ਼ਕਸ਼ ਕਰਨ ਅਤੇ ਲੋਕਾਂ ਨੂੰ ਕਨੂੰਨੀ ਨਤੀਜਿਆਂ ਦੀ ਬਜਾਏ ਰਿਕਵਰੀ ਸਹਾਇਤਾ ਨਾਲ ਜੋੜਨ ਲਈ ਸਿਖਲਾਈ ਪ੍ਰਾਪਤ ਹਨ।
- ਮਾਨਸਿਕ ਸਿਹਤ ਅਤੇ ਸਿਖਲਾਈ ਪ੍ਰਾਪਤ ਪੀਅਰ ਸੁਪੋਰਟ ਵਰਕਰਾਂ ਦੀਆਂ ਪੀਅਰ ਅਸਿਸਟਡ ਕੇਅਰ ਟੀਮਾਂ ਘੱਟ ਜੋਖਮ ਵਾਲੀਆਂ ਪਰਿਸਥਿਤੀਆਂ ਵਿੱਚ ਹਮਦਰਦੀ, ਟਰੌਮਾ-ਇਨਫ਼ੌਰਮਡ (ਕਿਸੇ ਸਦਮੇ ਦੇ ਭਾਵਨਾਤਮਕ ਅਤੇ ਮਾਨਸਿਕ ਸਿਹਤ ਸੰਬੰਧੀ ਪ੍ਰਭਾਵਾਂ ਦਾ ਇਲਾਜ) ਸੰਭਾਲ ਪ੍ਰਦਾਨ ਕਰਦੀਆਂ ਹਨ।
- ‘ਸੇਫ ਕਮਿਊਨਿਟੀ ਸਿਚੁਏਸ਼ਨ ਟੇਬਲਜ਼’ (Safe Community Situation Tables) ਪੁਲਿਸ, ਸਿਹਤ ਅਤੇ ਸਮਾਜਕ ਸੇਵਾਵਾਂ ਦੇ ਖੇਤਰਾਂ ਦੇ ਫਰੰਟਲਾਈਨ ਸਟਾਫ ਨੂੰ ਇਕੱਠੇ ਕਰਦੇ ਹਨ ਤਾਂ ਜੋ ਕਮਜ਼ੋਰ ਲੋਕਾਂ ਨੂੰ ਓਵਰਡੋਜ਼ ਜਾਂ ਕੈਦ ਵਰਗੀ ਬੁਰੀ ਜਾਂ ਸਦਮੇ ਵਾਲੀ ਘਟਨਾ ਦਾ ਅਨੁਭਵ ਕਰਨ ਤੋਂ ਪਹਿਲਾਂ, ਨਸ਼ੇ ਦੀ ਲਤ, ਮਾਨਸਿਕ ਸਿਹਤ ਅਤੇ ਰਿਹਾਇਸ਼ ਸੰਬੰਧੀ ਸਹਾਇਤਾਵਾਂ ਨਾਲ ਜੋੜਿਆ ਜਾ ਸਕੇ।
ਲੋਕਾਂ ਨੂੰ ਸੰਭਾਲ ਅਤੇ ਇਲਾਜ ਨਾਲ ਜੋੜਨਾ
ਨਸ਼ੇ ਦੀ ਲਤ ਸੰਬੰਧੀ ਇਲਾਜ ਅਤੇ ਰਿਕਵਰੀ ਗੁੰਝਲਦਾਰ ਹੈ। ਕੋਈ ਇਕੋ ਹੱਲ ਨਹੀਂ ਹੈ ਜੋ ਹਰ ਵਿਅਕਤੀ ਲਈ ਕੰਮ ਕਰਦਾ ਹੈ।
ਬੀ.ਸੀ. ਸੰਭਾਲ ਦਾ ਇੱਕ ਮਾਡਲ ਬਣਾ ਰਿਹਾ ਹੈ ਜੋ ਰੋਕਥਾਮ ਅਤੇ ਨੁਕਸਾਨ ਘਟਾਉਣ ਤੋਂ ਲੈ ਕੇ ਇਲਾਜ ਅਤੇ ਰਿਕਵਰੀ ਤੱਕ, ਲੋਕਾਂ ਦੀ ਮਦਦ ਕਰਦਾ ਹੈ ਚਾਹੇ ਉਹ ਆਪਣੇ ਰਿਕਵਰੀ ਦੇ ਸਫ਼ਰ ਵਿੱਚ ਕਿਸੇ ਵੀ ਪੜਾਅ ‘ਤੇ ਹੋਣ।
- ਜੇ ਤੁਸੀਂ ਹੁਣੇ ਮਦਦ ਦੀ ਭਾਲ ਕਰ ਰਹੇ ਹੋ, ਤਾਂ ‘Help Starts Here’ ‘ਤੇ 24/7 ਸਹਾਇਤਾ ਉਪਲਬਧ ਹੈ।
- ਜੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਸੁਰੱਖਿਅਤ ਰਹਿਣ ਲਈ ਕਦਮ ਉਠਾਓ:
- ਇੱਕ ਨਲੌਕਸੋਨ ਕਿੱਟ ਕੋਲ ਰੱਖੋ।
- ਨਸ਼ੀਲੇ ਪਦਾਰਥ ਇਕੱਲੇ ਇਸਤੇਮਾਲ ਕਰਦੇ ਸਮੇਂ ਲਾਈਫਗਾਰਡ ਐਪ ਦੀ ਵਰਤੋਂ ਕਰੋ, ਇਹ ਓਵਰਡੋਜ਼ ਹੋਣ ਦੀ ਸੂਰਤ ਵਿੱਚ 911 ਨੂੰ ਅਲਰਟ ਕਰੇਗਾ।
- ਨਸ਼ੀਲੇ ਪਦਾਰਥਾਂ ਦੀ ਜਾਂਚ, ਓਵਰਡੋਜ਼ ਦੀ ਰੋਕਥਾਮ, ਅਤੇ ਦੇਖ-ਰੇਖ ਹੇਠ ਨਸ਼ੇ ਦੀ ਵਰਤੋਂ ਵਾਲੀਆਂ ਥਾਵਾਂ 'ਤੇ ਸੇਵਾਵਾਂ ਤੱਕ ਪਹੁੰਚ ਕਰੋ।
- ਕਿਸੇ ਸਿਹਤ ਸੰਭਾਲ ਪ੍ਰਦਾਨਕ ਨੂੰ ਪੁੱਛੋ ਕਿ ਉਹ ਰਿਕਵਰੀ ਦਾ ਰਸਤਾ ਕਿਵੇਂ ਲੱਭਣਾ ਹੈ ਜੋ ਤੁਹਾਡੇ ਲਈ ਕੰਮ ਕਰਦਾ ਹੈ।
ਨਿਗਰਾਨੀ ਅਤੇ ਮੁਲਾਂਕਣ
- ਹੈਲਥ ਕੈਨੇਡਾ ਲਈ ਬੀ.ਸੀ. ਨੂੰ ਲਾਗੂਕਰਨ, ਸ਼ੁਰੂਆਤੀ ਨਤੀਜਿਆਂ, ਜਨਤਕ ਜਾਗਰੂਕਤਾ ਅਤੇ ਅਣਚਾਹੇ ਨਤੀਜਿਆਂ ਦੀ ਨੇੜਿਓਂ ਨਿਗਰਾਨੀ ਅਤੇ ਮੁਲਾਂਕਣ ਕਰਨ ਦੀ ਲੋੜ ਹੁੰਦੀ ਹੈ ਤਾਂ ਜੋ ਚੱਲ ਰਹੀਆਂ ਤਬਦੀਲੀਆਂ ਵਿੱਚ ਯੋਗਦਾਨ ਪਾਇਆ ਜਾ ਸਕੇ।
- ਬੀ.ਸੀ. ਨਿਗਰਾਨੀ ਕਰ ਰਿਹਾ ਹੈ:
- ਕਨੂੰਨੀ ਲਾਗੂਕਰਨ ਦੇ ਅਭਿਆਸਾਂ ਵਿੱਚ ਤਬਦੀਲੀਆਂ
- ਨਸ਼ਿਆਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦੀ ਸਮਾਜਕ-ਭਾਵਨਾਤਮਕ ਤੰਦਰੁਸਤੀ ਵਿੱਚ ਤਬਦੀਲੀਆਂ
- ਸੇਵਾਵਾਂ ਅਤੇ ਇਲਾਜ ਦੇ ਰਸਤੇ
- ਮਾਨਸਿਕ ਸਿਹਤ ਅਤੇ ਨਸ਼ੇ ਦੀ ਲਤ ਸੰਬੰਧੀ ਸੰਭਾਲ ਦਾ ਸਿਸਟਮ ਬਣਾਉਣ ਦੀਆਂ ਕੋਸ਼ਿਸ਼ਾਂ 'ਤੇ ਪ੍ਰਗਤੀ
- ਨਸ਼ੀਲੇ ਪਦਾਰਥਾਂ ਦੀ ਬਰਾਮਦਗੀ ਅਤੇ ਨਿੱਜੀ ਵਰਤੋਂ ਲਈ ਰੱਖੇ ਪਦਾਰਥਾਂ ਨਾਲ ਸੰਬੰਧਿਤ ਅਪਰਾਧਾਂ ਲਈ ਦੋਸ਼ਾਂ ਬਾਰੇ ਅੰਕੜੇ
- ਜਨਤਕ ਜਾਗਰੂਕਤਾ ਅਤੇ ਡੀਕ੍ਰਿਮੀਨਲਾਈਜੇਸ਼ਨ ਦੀ ਸਮਝ
- BCCDC ਅਨਿਯਮਿਤ ਨਸ਼ੀਲੇ ਪਦਾਰਥਾਂ ਦੇ ਜ਼ਹਿਰੀਲੇਪਣ ਦੀਆਂ ਘਟਨਾਵਾਂ ਬਾਰੇ ਅੰਕੜਿਆਂ ਦੀ ਨਿਗਰਾਨੀ ਅਤੇ ਰਿਪੋਰਟ ਕਰਨਾ ਜਾਰੀ ਰੱਖ ਰਿਹਾ ਹੈ।
- ਕੈਨੇਡਾ ਸਰਕਾਰ, ਕਨੇਡੀਅਨ ਇੰਸਟੀਚਿਊਟਸ ਫੌਰ ਹੈਲਥ ਰਿਸਰਚ ਰਾਹੀਂ, ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੇ ਨੁਕਸਾਨਾਂ ਨੂੰ ਹੱਲ ਕਰਨ 'ਤੇ ਛੋਟ ਦੇ ਪ੍ਰਭਾਵ ਦਾ ਮੁਲਾਂਕਣ ਕਰਨ ਲਈ ਤੀਜੀ ਧਿਰ ਦੀ ਖੋਜ ਨੂੰ ਫੰਡ ਦੇ ਰਹੀ ਹੈ।
ਰਿਪੋਰਟ (ਅੰਗਰੇਜ਼ੀ ਵਿੱਚ ਉਪਲਬਧ)
- ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀ ਸੰਭਾਲ ਦੇ ਸਿਸਟਮ ਦਾ ਨਿਰਮਾਣ - ਡੇਟਾ ਸਨੈਪਸ਼ਾਟ
- ਡੀਕ੍ਰਿਮੀਨਲਾਈਜੇਸ਼ਨ ਦੇ ਸ਼ੁਰੂਆਤੀ ਨਤੀਜੇ – ਹੈਲਥ ਕੈਨੇਡਾ ਲਈ ਤਿਮਾਹੀ ਰਿਪੋਰਟਾਂ