Magpabakuna laban sa COVID-19 at trangkaso

Publication date: October 15, 2024

Ngayong respiratory illness season, tulungang protektahan ang iyong sarili at iyong komunidad sa pamamagitan ng pagkuha ng mga pinakabagong bakuna laban sa trangkaso at COVID-19.

English | 繁體中文 | 简体中文 | Français | ਪੰਜਾਬੀ | فارسی  | Tagalog | 한국어 | Español | عربى  | Tiếng Việt | 日本語 | हिंदी | Українська | Русский

Para sa pinakabagong impormasyon, mangyaring bisitahin ang page sa wikang Ingles.

Sa pahina na ito

Sabay na kuhanin ang bakuna laban sa trangkaso at COVID-19

Ang pagbabakuna ang pinakaepektibong paraan upang manatiling ligtas ngayong panahon ng mga respiratoryong sakit.

Simula Oktubre 2024, makukuha na sa B.C. ang mga pinakabagong bakuna laban sa trangkaso (flu) at COVID-19 na nakakapagbigay ng mas mahusay na proteksiyon laban sa mga pinakabagong strain ng virus.

Ang lahat ng indibidwal na 6 na buwang gulang pataas ay maaaring sabay na makatanggap ng libreng updated na bakuna laban sa trangkaso (flu) at COVID-19. Inirerekomenda ng patnubay mula sa National Advisory Committee on Immunizations na kumuha ng pinakabagong bakuna ang mga may mataas na panganib (high-risk) na magkaroon ng impeksiyon at malubhang sakit. Kabilang dito ang mga indibidwal na nasa o mula sa mga komunidad ng First Nations at mga indibidwal na Métis at Inuit na naninirahan sa B.C.

Simula Oktubre 8, ipinapadala ang mga notipikasyong mayroong direct booking link at ipinapadala ito mula sa mga populasyong may priyoridad at sa lahat ng nakarehistro sa Get Vaccinated system hanggang unang bahagi ng Nobyembre. Kabilang dito ang mga:

  • Health care workers
  • Indibidwal na clinically extremely vulnerable (lubos na bulnerable dahil sa klinikal na diagnosis)
  • Seniors (65 taong gulang pataas)
  • Kabataan (6 buwang gulang – 17 taong gulang)
  • Nasa hustong gulang (18 – 64 taong gulang)

Kung nakatanggap ka dose ng bakuna laban sa COVID-19 sa B.C., nakarehistro ka na sa Get Vaccinated system. Isang beses mo lamang kailangang magparehistro. Magpapadala kami ng email o SMS text kapag panahon na para mag-book ng iyong susunod na appointment.

Makukuha ang mga bakunang ito sa mga public health unit, mga tanggapan ng mga doktor o nurse practitioner, at mga botika sa iba’t ibang bahagi ng province. Ang mga indibidwal na naninirahan sa mga komunidad ng First Nations ay maaaring makipag-ugnayan sa kanilang community health centre o nursing station para mag-book ng appointment o alamin ang lokasyon ng mga klinika.

Kung mayroon kang mga tanong tungkol sa mga bakuna laban sa trangkaso (flu) at COVID-19, tumawag sa call centre.

Magpa-reschedule o kumuha ng bagong booking link

Kung kailangan, madaling ipa-reschedule o kanselahin ang iyong appointment online.

Kung hindi mo mahanap ang iyong booking link, maaari kang kumuha ng bago.

Tumawag sa call centre kung mayroon kang mga tanong tungkol sa pag-book ng mga appointment para sa iyong pamilya.

Kung hindi ka pa nakakatanggap ng bakuna laban sa COVID-19 sa B.C.

Step 1.  Magrehistro sa Get Vaccinated system

Magrehistro sa Get Vaccinated system upang matanggap ang notipikasyon para makapag-book ng appointment at panatilihing updated ang iyong pagbabakuna laban sa trangkaso at COVID-19.

Maaari kang magparehistro para sa iyong sarili o para sa ibang tao, tulad ng iyong magulang, lolo't lola o anak. Hindi namin kailanman hihingiin ang iyong Social Insurance Number, driver’s licence number o mga detalye sa pagbabangko at credit card.

Pinakamabilis na opsiyon: online

Upang magrehistro online, dapat mong ibigay ang:

  • Pangalan at apelyido
  • Petsa ng kapanganakan
  • Postal code
  • Personal Health Number (PHN)
  • Isang email address na regular na tinitingnan o numero ng telepono na maaaring makatanggap ng mga text na mensahe

Hanapin ang iyong PHN sa likod ng iyong lisensya sa pagmamaneho sa B.C., BC Services Card (Card para sa Serbisyo sa BC) o CareCard.

Magrehistro online Tatagal lamang ito ng 2 minuto.

Iba pang mga opsiyon sa pagpaparehistro at pag-book ng appointment

 

Sa pamamagitan ng pagtawag – Piliin ang opsiyon na ito kung wala kang PHN

Kung wala kang Personal Health Number (PHN), kailangan mong magrehistro sa pamamagitan ng pagtawag. Gagawan ka ng PHN.

Tumawag sa: 1-833-838-2323 | Araw-araw, buong linggo: 7 am hanggang 7 pm (Lunes, Nobyembre 11: 9 am – 5 pm) | Mayroong mga tagasalin

Mula sa labas ng Canada at USA: 1-604-681-4261 

 

Sa isang tanggapan ng Service BC

Maaari kang magparehistro nang personal sa lahat ng tanggapan ng Service BC.

Iba-iba ang mga oras ng opisina ayon sa lokasyon. Alamin muna ito bago pumunta.

Maaaring mabakunahan ang lahat, kahit na wala kang isang PHN o iba pang dokumentasyon. Hindi mahalaga kung ikaw ay isang mamamayan ng Canada.

Ang lahat ng iyong impormasyon ay pananatilihing pribado at hindi ibabahagi sa ibang mga ahensiya o bahagi ng pamahalaan.

Step 2. Mag-book ng iyong appointment

Pagkatapos mong magrehistro sa Get Vaccinated system, magpapadala kami sa iyo ng isang notipikasyon. Gamitin ang link sa notipikasyon para mag-book ng iyong appointment para sa bakuna online o sa pamamagitan ng pagtawag.

Alamin ang mga opsiyon para sa pagbabakuna laban sa COVID-19

Expand All | Collapse All
 

Mga bakunang makukuha sa B.C.

Nagsasagawa ang Health Canada ng isang masinsinang proseso ng pag-apruba para matiyak na ligtas ang tinatanggap nating mga bakuna at gamot. Ang mga updated na bakunang mRNA na mayroong mas mahusay na proteksiyon laban sa mga pinakabagong variant ng COVID-19 ay maaaring matanggap ng mga indibidwal na 6 na buwang gulang pataas.

Basahin ang impormasyon tungkol sa mga pinakabagong aprubadong bakuna sa Canada.

Gusto kong kumuha ng bakunang hindi mRNA

Kasalukuyang hindi available ang bakunang hindi mRNA laban sa COVID-19.

Kung hindi ka maaaring tumanggap ng bakunang mRNA kontra COVID-19, makipag-ugnayan sa iyong health care provider tungkol sa ibang opsiyon sa paggamot kung magkaroon ka ng COVID-19.

 

Mga bakuna para sa mga maliliit na bata at kabataan

Ang mga bakuna sa COVID-19 ay mahalagang bahagi ng regular na iskedyul ng pagbabakuna ng iyong mga anak. 

Maaaring mapabakunahan laban sa COVID-19 ang iyong anak kasabay ang ibang mga bakuna para sa mga bata, kabilang ang bakuna laban sa trangkaso (influenza). Kung marami kang anak, kailangan ng bawat isa ng appointment.  

Planuhin na magtatagal nang 15 hanggang 30 minuto sa iyong appointment kasama ang iyong anak.

Ibigay ang pahintulot (consent) sa appointment ng pagbabakuna

Kailangan ng pahintulot para sa mga bata upang makakuha ng bakuna sa COVID-19. Hihingiin sa iyo na magbigay ng pahintulot sa panahon ng appointment. 

Ang pahintulot para sa isang bata ay maaaring ibigay ng isang:

  • Magulang, legal na tagapangalaga o foster parent
  • Custodial caregiver tulad ng isang lolo at lola, o kamag-anak

Isang magulang, legal na tagapangalaga o foster parent lamang ang kinakailangan upang magbigay ng pahintulot.

 

Nagkaroon na ako ng COVID-19

Kahit na nagkaroon ka na ng COVID-19 at gumaling dito, kailangan mo pa ring magpabakuna.

Kung kamaikailan ka lamang nagkasakit, makakapagpabakuna ka kapag nawala na ang iyong mga sintomas.

Kung mayroon kang appointment pero may mga sintomas pa rin, magpa-reschedule hanggang magaling ka na.

 

Iba pang mga konsiderasyon

Karamihan sa mga kwalipikadong indibidwal ay ligtas na mababakunahan laban sa COVID-19, subalit ang iilang indibidwal na mayroong matinding allergy sa ilang sangkap ng bakuna ay kailangang makipag-ugnayan sa kanilang health care provider para sa kanilang mga opsiyon.

Bisitahin ang page ng BC Centre for Disease Control tungkol sa mga konsiderasyon sa bakuna para sa karagdagang impormasyon.

Basahin sa website ng HealthLink BC ang impormasyon kung paano protektahan ang iyong sarili, iyong pamilya at iyong komunidad laban sa COVID-19.

Protektahan ang iyong sarili laban sa trangkaso

Ang lahat ng kwalipikadong residente ng B.C. na 6 na buwang gulang pataas ay maaaring makatanggap ng bakuna laban sa trangkaso sa fall at winter.

 Ano ang aasahan bago, habang at pagkatapos ng appointment

Basahin muli ang mga dapat ihanda para sa appointment ng iyong bakuna at alamin ang patnubay sa pangangalaga pagkatapos ng pagbabakuna.

Expand All | Collapse All
 

Dumating nang handa

Maghanda para sa iyong appointment:

  • Hindi mo kailangang mag-fasting. Siguraduhing uminom ng tubig
  • Dalhin ang iyong kumpirmasyon ng booking at may larawang ID
  • Magsuot ng isang damit na may maikling manggas
  • Dumating ng ilang minutong mas maaga bago ang iyong naka-iskedyul na oras ng appointment
 

Habang nasa appointment

Sa botika o klinika:

  • Mag-che-check-in ka gamit ang iyong mayroong larawang ID at kumpirmasyon ng booking. Kung hindi ka komportableng mabakunahan sa harap ng ibang tao, maaari kang humiling na mabakunahan sa isang pribadong lokasyon
  • Magpabakuna para sa iyong dosis
  • Maghihintay ka sa observation area nang humigit-kumulang 15 minuto
 

Pagkatapos ng iyong appointment

Basahin ang mga instruksiyon pagkatapos magpagpabakuna mula sa British Columbia Centre for Disease Control.

Panatilihing updated ang iyong records

Kapag nabakunahan ka na, ang iyong impormasyon ay ilalagay sa electronic Provincial Immunization Registry. Maaari mong ma-access ang iyong rekord ng pagbabakuna online o humingi ng naka-print na kopya sa pamamagitan ng pagtawag o pagpunta sa  tanggapan ng Service BC.

Online:

Magrehistro sa Health Gateway upang makita o i-update ang iyong talaan ng pagbabakuna at i-download ang iyong mga dokumento ng katibayan ng pagbabakuna.

Kailangan mo ng BC services card para magparehistro.

Sa pamamagitan ng pagtawag:

Tumawag sa 1-833-838-2323 upang mag-request ng ipapadalang kopya ng iyong immunization record.

Sa pamamagitan ng pagpunta sa tanggapan ng Service BC:

Maaari kang makakuha ng naka-print na kopya ng iyong immunization record sa lahat ng tanggapan ng Service BC.

Pag-update ng aking record ng bakuna

Kung hindi makita ang iyong immunization records sa Health Gateway, maaari itong idagdag sa electronic Provincial Immunization Registry. 

Kailangan ko ng tulong

Expand All | Collapse All
 

Wala akong PHN

Ang bawat residente ng B.C. na naka-enroll sa Medical Services Plan ay binibigyan ng isang natatanging lifetime identifier para sa health care na tinatawag na Personal Health Number (PHN). Ang iyong PHN ay maaaring mahanap sa iyong BC Services Card.

Hanapin o gumawa ng PHN. 

Kung tama ang inilagay mong PHN ngunit nakakaranas ng problema sa pag-log in, mangyaring tumawag sa call centre sa 1-833-838-2323 para makakuha ng tulong.

 

Hindi ako residente ng B.C.

Ang mga hindi residente ng B.C. ay maaaring tumawag sa provincial call centre sa 1-833-838-2323 para mag-book ng appointment.

 

Karagdagang impormasyon tungkol sa COVID-19 sa B.C.

Mayroong impormasyon tungkol sa testing, paggamot, patnubay at iba pa. 

Tumawag sa call centre kung mayroon kang mga tanong tunkol sa iyong mga opsiyon sa pagbabakuna at kailangan ng tulong sa pag-book ng appointment. Makipag-ugnayan sa iyong health care provider kung mayroon kang mga tanong tungkol sa kung kailan ka dapat magpabakuna.

Tumawag sa: 1-833-838-2323

Araw-araw, buong linggo: 7 am hanggang 7 pm. (Lunes, Nobyembre 11: 9 am - 5 pm) | Mayroong mga tagasalin

Mula sa labas ng Canada at USA: 1-604-681-4261