Mga wastong gawi para manatiling malusog sa panahon ng mga respiratoryong sakit

• ​Subaybayan ang iyong mga sintomas 
• Manatili sa bahay. Maaaring mahawa ang ibang tao, lalo na kung mayroon kang lagnat, ubo, nagsusuka, o diarrhea (pagtatae) 
• Kung mayroon kang COVID-19, manatili sa bahay hanggang mawala ang iyong lagnat at hanggang bumuti ang iyong pakiramdam at nakakabalik sa mga pang-araw-araw na gawain 
• Umiwas sa mga tao na may mas mataas na panganib na magkaroon ng malubhang sakit 
• Kung kailangan mong lumabas sa iyong tahanan, ikonsidera na magsuot ng mask, lalo na kapag pupunta sa mga indoor o nasa loob na lugar

Magkasabay na mag-book para sa iyong pagbabakuna laban sa trangkaso (influenza) at COVID-19

Nakakatulong ang pagbabakuna para maprotektahan ang iyong sarili, iyong komunidad, at ang health care system ng B.C. ngayong panahon ng mga respiratoryong sakit. 

Maaaring sabay na makapagpabakuna laban sa trangkaso (influenza o flu) at updated na bakuna laban sa COVID-19 ang lahat ng indibidwal na 6 na buwang gulang pataas. Naipadala na ngayon ang mga imbitasyon sa lahat ng nakarehistro sa Get Vaccinated system sa pamamagitan ng email o text. Kasama sa imbitasyong ito ang isang direktang link para makapag-book ng appointment upang makapagpabakuna kontra COVID-19, trangkaso, o magpabakuna para sa parehong kondisyon, depende kung kailan mo natanggap ang iyong huling dose.

Ang mga bakuna ay libre at makukuha ito sa mga botika, health authority clinic at sa mga tanggapan ng ilang primary-care provider. 

Kung hindi ka tumanggap ng bakuna laban sa COVID-19 dito sa B.C.

Magrehistro sa Get Vaccinated system upang matanggap ang iyong imbitasyon para makapag-book ng appointment.

Maaari kang makapag-book para sa pagbabakuna laban sa COVID-19 at trangkaso sa pamamagitan ng Get Vaccinated system.